Dajnius Dundulis, adzin z zamych bahatych biznesoŭcaŭ Litvy i ŭładalnik viadomaj sietki kramaŭ Norfa, časam vykonvaje funkcyi hruzčyka abo kładaŭščyka, paviedamlaje Delfi.

Litoŭski partał cytuje pradprymalnika: «Kožny pavinien rabić svaju spravu, ale kali rabotnik nie razumieje, to našmat lepš, kali jamu pakazać. Zamiest taho, kab try hadziny tłumačyć, možna za piać chvilin usio pakazać. Tak jon našmat chutčej zrazumieje».

Dundulis vyras u prostaj siamji i pačaŭ zajmacca handlem jašče ŭ čas słužby ŭ savieckaj armii: pryvoziŭ z Maskvy na prodaž žanočy abutak i inšyja deficytnyja tavary. Vyručku jon inviestavaŭ spačatku ŭ nie mienš deficytnyja ałoŭki i humki.

Ekscentryčnyja pavodziny miljaniera nie abmiažoŭvajucca pahruzačna-razhruzačnymi rabotami va ŭłasnych kramach.

Va Ucianskim paviecie biznesoviec trymaje lecišča, na jakim rehularna zajmajecca aharodnictvam:»Lepš dumajecca, kali ruki pracujuć, lahčej rassłabicca. Kali pracuješ na aharodzie, hałava valniej. Čym lepš usio abdumać, tym lepš dla kampanii. U taki čas možna sadžać ci pałoć bulbu…».

Vilenčuki z razdražnieńniem uspryniali imidžavy artykuł:

«…za 800 litaŭ nichto ruki rvać na buržuja nie budzie», — pišuć adnyja. «Na ałoŭkach taki biznes nie padniać, chaj nie ličać za łochaŭ», — aburajucca inšyja.

***

Zaraz sietcy «Norfa» naležać bolš za 130 kramaŭ, u jakich zaniata 3500 čałaviek.

U Biełarusi Dundulis taksama maje spravu:

buduje ŭ Vilejcy fabryku pa pierapracoŭcy harodniny i paralelna inviestuje ŭ raźvićcio sietki kram.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?