president.gov.by
Premjer-ministr Michaił Miaśnikovič prapanavaŭ trochi źnizić u Biełarusi akcyzy na naftapradukty dla ŭnutranaha rynku. Heta zabiaśpiečyć prybytkovaść naftazavodaŭ na ŭzroŭni, dastatkovym dla realizacyi inviestycyjnaj prahramy z ulikam pryciahnieńnia imi kredytnych resursaŭ. U toj ža čas prapanujecca pavysić ceny na paliva ŭnutry krainy na 10%. Alaksandr Łukašenka ŭ adkaz zajaviŭ, što pavyšeńnia cenaŭ na bienzin nie budzie.
«My pryniali rašeńnie nakont bienzinu, pryviazali jaho da dalara. Kolki pryjšłosia vytryvać z-za hetaj pryviazki, i vy ciapier dla taho, kab «biednyja» naftapierapracoŭčyja zavody padtrymać, kali ja pravilna zrazumieŭ, jašče prapanujecie ŭ naroda zabrać z kišeni hrošy praź bienzin!» — skazaŭ kiraŭnik dziaržavy.
«Šukajcie na NPZ hetyja hrošy — voś vam moj adkaz». Kali vy nie znojdziecie, a ja ich znajdu, biednyja budziecie i vy, i jany, — adznačyŭ jon i dadaŭ, što heta tyčycca i bankaŭ.
Alaksandr Łukašenka daručyŭ staršyni KDK stvaryć hrupu i pravieryć pa hetych kryterach naftapierapracoŭčyja zavody. «I vy ŭbačycie, jak jany tam haspadarać i jakija ŭ ich tam zarobki, na čym jany raźjazdžajuć, dzie žyvuć, što budujuć», — skazaŭ kiraŭnik dziaržavy.
«Nijakaha pavyšeńnia cenaŭ na bienzin nie budzie! My pryviazali bienzin da dalara, heta prystojnaja cana dla Biełarusi, i chaj na heta nie raźličvajuć.
Niachaj šukajuć hetyja hrošy na NPZ i na prodažach na źniešnim rynku. Treba hetyja ryčahi zadziejničać, a nie prostyja: ŭziali ceny padniali. Heta i durań moža! Dla hetaha i ŭrad nie treba!» — padkreśliŭ jon.