Alaksandr Łukašenka 13 listapada padpisaŭ ukaz № 526 «Ab uniasieńni źmianieńniaŭ i dapaŭnieńniaŭ u pałažeńnie ab respublikanskaj došcy Honaru». 

Jak paviedamlaje pres-słužba kiraŭnika dziaržavy, dakumient raspracavany ŭ metach udaskanaleńnia miechanizma acenki vynikaŭ dziejnaści rehijonaŭ i arhanizacyj. Praduhledžvajecca, što pry vyłučeńni administracyjna-terytaryjalnych adzinak i arhanizacyj dla vyznačeńnia pieramožcaŭ pavodle vynikaŭ pracy za spravazdačny hod siarod abłaściej, Minska, rajonaŭ, haradoŭ i rajonaŭ u haradach, a taksama arhanizacyj pramysłovaści prymianiajucca pakazčyki, pieraliki i paradak raźliku jakich zaćviardžajucca Minekanomiki. 

Kandydatury vyłučajucca z ulikam sistemnaj pracy pa pavyšeńni ekanamičnaj efiektyŭnaści dziejnaści arhanizacyj i padrychtoŭcy kadraŭ kiravańnia; acenka pracy arhanizacyj ažyćciaŭlajecca ŭ cełym pa jurydyčnaj asobie; pry vyłučeńni kandydatur dla vyznačeńnia pieramožcaŭ za dasiahnieńni najlepšych pakazčykaŭ pa ekanomii resursaŭ asnoŭnym kryteryjem acenki źjaŭlajecca vykanańnie zadańniaŭ pa ekanomii paliŭna-enierhietyčnych resursaŭ i źnižeńni zatrat na vytvorčaść pradukcyi pry źnižeńni ŭzroŭniu materyjałajomistaści pradukcyi. 

Ukazam udaskanaleny pieralik abaviazkovych umoŭ dla zaniasieńnia na respublikanskuju došku Honaru. U pryvatnaści ŭstanaŭlivajecca, što abaviazkovaj umovaj źjaŭlajecca adsutnaść karupcyjnych złačynstvaŭ, učynienych słužbovymi asobami za spravazdačny hod.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?