Halivudskaja aktrysa Kiejt Chadsan skasavała zaručyny z vakalistam brytanskaha rok-hurtu Muse Mećju Biełami. Jak paviedamiŭ časopis Hollywood Reporter, «Kiejt i Met rasstalisia na niapeŭny čas».
U svaju čarhu, časopis People sa spasyłkaj na atačeńnie pary adznačyŭ, što «niahledziačy na skasavańnie zaručyn, znakamitaści zastajucca blizkimi siabrami i adkaznymi baćkami». U lipieni 2011 hoda ŭ pary naradziŭsia syn Binham Choŭn-Bełami. U Kiejt Chadsan taksama jość starejšy syn — Rajder Raseł Robinsan, jaki naradziŭsia ŭ šlubie sa śpievakom Krysam Robinsanam.
Razryŭ adnosin Chadsan i Bełami, jakija doŭžylisia čatyry hady, staŭ niečakanaściu dla prychilnikaŭ pary. U Halivudzie ich ličyli ščaślivaj i družnaj siamjoj.
Chadsan viadomaja hledačam rolami ŭ filmach «Čatyry piary», «Amal znakamity», «Jak pazbavicca ad chłopca za 10 dzion» i «Chacieŭ by ja być tut».
