Ukraina z aŭtorka pačała atrymlivać rasijski haz, kožnyja sutki dla patreb ukrainskich spažyŭcoŭ budzie impartavacca da 43,5 miljona kubamietraŭ hazu, paviedamiŭ kiraŭnik pres-słužby «Ukrtranshaza» Maksim Bialaŭski.
«Haz budzie pastupać praz hazaraźmierkavalnyja stancyi ŭ Mazyry (Biełaruś) i Sudžy (Kurskaja vobłaść). Impart pryrodnaha hazu z boku RF byŭ pačaty na dva dni raniej na padstavie pierazajaŭki NAK «Naftahaz Ukrainy», - paviedamiŭ Bialaŭski.
U piatnicu «Naftahaz» unios pieradapłatu ŭ 378 miljonaŭ dalaraŭ za pastaŭku ŭ śniežni 1 miljarda kubamietraŭ rasijskaha hazu. «Hazprom» atrymańnie srodkaŭ paćvierdziŭ.
Pastaŭki hazu z Rasii na Ukrainu byli spynienyja ź siaredziny červienia z-za miljardnych daŭhoŭ Kijeva. Pytańnie ź zimovymi pastaŭkami rasijskaha hazu (ź listapada 2014 pa sakavik 2015 h.) było vyrašana tolki 31 kastryčnika. Damoŭlenaści pa zimovym hazavym płanie praduhledžvajuć pahašeńnie Ukrainaj častki doŭhu ŭ 3,1 młrd dalaraŭ da kanca hoda i kuplu dadatkovych abjomaŭ rasijskaha hazu na zimu na ŭmovach pieradapłaty. «Naftahaz» 4 listapada pieraličyŭ «Hazpramu» 1,45 miljarda dalaraŭ u košt pahašeńnia doŭhu.