Fota: The Verge
Gear VR zabiaśpiečvaje 360-hradusnyja virtualnyja panaramy ŭ hulniach i pry prahladzie admysłovych fota i videa. Šlem maje funkcyi sensarnaha kiravańnia, a za lišnija 50 dalaraŭ možna dakupić Bluetooth-kantroler dla hulniaŭ, u jakich patrebnyja ruchi nie tolki hałavoj, ale i ŭsim virtualnym ciełam.
Razam z Gear VR pastaŭlajecca karta pamiaci z materyjałami dla prahladu ŭ šlemie. Kantent i prahramy dla šlema možna kuplać u anłajn-mahazinie Oculus VR.
Dastaŭka šlema pakul ździajśniajecca tolki pa ZŠA, a sam šlem pracuje tolki ŭ pary sa smartfonam Samsung Galaxy Note 4.
Smartfon ustaŭlajecca ŭ admysłovuju vyjemku ŭ akularach, karystalnik bačyć vyjavu sa smartfona praź sistemu linz.
Fota: maagg.com
Viersija Innovator Edition pryznačanaja dla tych, chto choča padrychtavać prahramy dy hulni da startu prodažaŭ spažyvieckaj viersii ci acanić mahčymaści hadžeta.
Cana Gear VR Innovator Edition u paŭtara raza nižej za cenu Oculus Rift Development Kit 2, inšaha šlema virtualnaj realnaści.
Oculus Rift, pieršy pradukt takoha rodu, taksama daloki ad spažyvieckaj viersii, ale ŭ pakupnikam prapanujecca ŭžo druhaja, dapracavanaja viersija kamplektu dla raspracoŭščykaŭ. Šlem Samsung raspracoŭvaŭsia pry ŭdziele śpiecyjalistaŭ Oculus.
Kolki dakładna buduć kaštavać finalnyja spažyvieckija viersii šlemaŭ, pakul nie viadoma. Kampanija Oculus zajaŭlała, što spažyvieckaja viersija Oculus Rift budzie mieć cenu ŭ dyjapazonie 200-400 dalaraŭ.
Daty vychadu na rynak finalnych viersij Oculus ci Gear VR nie nazyvajucca.
U Minsku ŭžo dziejničaje niekalki atrakcyjonaŭ, dzie možna pasprabavać hulni ŭ šlemie Oculus Rift, u tym liku madeli Mk2.