Supiermadel Karli Kłos vyrašyła padzialicca svaimi dasiahnieńniami ŭ infarmatycy z šyrokaj aŭdytoryjaj ŭ ramkach Tydnia kampjuternaj adukacyi. Darečy, hetaje mierapryjemstva prachodzić i ŭ Biełarusi z 8 pa 14 śniežnia.
Amierykanskaja supiermadel Karli Kłos (Karlie Kloss) aktyŭna pracuje i raźvivajecca pa-za modnaj industryjaj. Zasnavaŭšy paśpiachovy biznes pa vytvorčaści karysnaha piečyva, dziaŭčyna vyrašyła zasiarodzicca na temie adukacyi.
Try miesiacy tamu Karli Kłos ŭziałasia vyvučać prahramavańnie, pra heta jana paviedamiła svaim padpisčykam na Instagram. Supiermadel nastolki zachapiłasia pracesam, što hatovaja padzialicca svaimi dasiahnieńniami z šyrokaj aŭdytoryjaj na mierapryjemstvie ŭ ramkach Tydnia kampjuternaj adukacyi (Computer Science Education Week) - štohadovaj padziei, stvoranaj, kab pryciahnuć moładź da vyvučeńnia infarmatyki. Kłos vystupić pa zaprašeńni arhanizacyi Code.org i pasprabuje raźviančać stereatypy pra toje, što prahramavańnie - heta zaniatak nie dla dziaŭčat.
Hetaja inicyjatyva taksama startavała i ŭ Biełarusi. Nie viedaju, ci siarod vykładčykaŭ možna budzie pabačyć ludzieŭ šoŭ-biznesu, ale, mahčyma, u kahości z vas atrymaicca za hadzinu navučycca napisać kod.
