Fota sk.gov.by.
Fota sk.gov.by.
Fota sk.gov.by.
Jak paviedamili va ŭpraŭleńni Śledčaha kamiteta pa Viciebskaj vobłaści, skončana rasśledavańnie kryminalnaj spravy pa fakcie zabojstva taksista ŭ Aršanskim rajonie.
1 sakavika 2014 u kiuviecie darohi Orša-Dubroŭna byŭ znojdzieny trup 40-hadovaha taksista z mnostvam nažavych ran. Paźniej u Oršy znajšli i jaho aŭtamabil.
Pa padazreńni ŭ zabojstvie zatrymali hramadzianina Rasii, 1985 hoda naradžeńnia. Jon raniej padtrymlivaŭ suviazi ź niaviestaj zabitaha. Praz reŭnaść i zabiŭ jaje žanicha.
Rasijanin śpiecyjalna pryjechaŭ u Oršu, vysačyŭ taksista i zabiŭ jaho.
Paśla zabojstva rasijanin pieraapranuŭsia, adzieńnie spaliŭ, a mašynu taksista ŭziaŭ, kab «vyjhrać» čas — padalej adjechać pierad tym, jak znojduć trup.
Padazravany znachodzicca pad vartaj. Za žorstkaje zabojstva jamu pahražaje pakarańnie ažno da rasstrełu.
