Fiederalnaja słužba pa vieterynarnym i fitasanitarnym nahladzie RF (Raśsielhasnahlad) 9 śniežnia paviedamiła pra pačatak pravierki biełaruskich pradpryjemstvaŭ pa vytvorčaści pradukcyi žyviolnaha pachodžańnia.
Jak vynikaje z paviedamleńnia rasijskaha viedamstva, pravierka budzie doŭžycca pa 16 śniežnia ŭ adpaviednaści z pratakołam narady ŭpaŭnavažanych orhanaŭ Rasii i Biełarusi pa pytańniach źniaćcia časovych abmiežavańniaŭ na pastaŭku pradukcyi šerahu biełaruskich pradpryjemstvaŭ na rasijski rynak ad 4 śniežnia.
Napiaredadni pres-słužba Jeŭrazijskaj ekanamičnaj kamisii (JEEK) paviedamiła pra udzieł svaich pradstaŭnikoŭ u sumiesnaj praviercy biełaruskich pradpryjemstvaŭ, jakaja pravodzicca Raśsielhasnahladam i ŭpaŭnavažanymi orhanami Biełarusi.
Damoŭlenaść ab praviadzieńni takoj inśpiekcyi była dasiahnutaja 8 śniežnia ŭ Maskvie padčas rabočaj sustrečy pradstaŭnikoŭ Biełarusi i Rasii. Meta pravierki — abjektyŭna acanić stan spraŭ na pradpryjemstvach Biełarusi, jakija ažyćciaŭlajuć pastaŭki pradukcyi žyviolnaha pachodžańnia ŭ Rasijskuju Fiederacyju, dla najchutčejšaha źniaćcia časovych abmiežavańniaŭ, nahadała pres-słužba JEEK.
Zabarona na ŭvoz miasnoj i małočnaj pradukcyi šerahu biełaruskich pradpryjemstvaŭ Rasija ŭviała ŭ listapadzie «ŭ suviazi ź niedapuščalnym uzroŭniem utrymańnia antybijotykaŭ, a taksama salmanieły i kišečnych pałačak u pradukcyi hetych pradpryjemstvaŭ».
