12 śniežnia ŭ mahiloŭskim hramadskim centry «Koła siabroŭ» adbudziecca prezientacyja knihi Taćciany Barysik «Žančyna i leapard».
Kniha maładoj piśmieńnicy, čalca Mahiloŭskaj filii HA «Sajuz biełaruskich piśmieńnikaŭ» vyjšła sioleta ŭ vydaviectvie «Knihazbor» u sieryi «Kniharnia piśmieńnika».
Bolšaść siužetaŭ, ź jakimi vy sutyknieciesia ŭ hetaj knizie, — uziatyja z našaha paŭsiadzionnaha žyćcia. Biełaruskaja pravincyja na miažy tysiačahodździaŭ, kłopaty, prablemy i radaści sučasnych viaskoŭcaŭ i haradžan, usia hama čałaviečych pačućciaŭ znachodziać svajo adlustravańnie ŭ nievialikich apaviadańniach piśmieńnicy.
Uzor sučasnaj žanočaj prozy — łakanična i daścipna, zachaplalna i fiłasafična, z praniknieńniem u psichałahičnyja tajamnicy čałaviečych stasunkaŭ.
Pačatak a 18-j hadzinie pa adrasie: h. Mahiloŭ, zav. Čkałava, 16, hramadski centr «Koła siabroŭ».
