Vieści kancert budzie Maksim Žbankoŭ, a pieramožcaŭ abvieściać uładalniki minułaj premii.
Muzyčny internet-partał Tuzin.fm tradycyjna padvodzić vyniki hodu ŭ dzień supadzieńnia mahičnych ličbaŭ: «tuzin» heta i jość dvanaccatka, tamu dla kancertu abirajecca data 12.12. U hety dzień buduć abvieščanyja pieramožcy ŭ naminacyjach «Adkryćcio hodu» i «Hurt hodu». U vialikim kancercie z hetaj nahody voźmuć udzieł pa try pretendenty ŭ kožnaj z naminacyj – hurt Siarhieja Bašłykieviča Leibonik, biełaruskamoŭny indzi-rok hurt Bristeil, zasnavany vakalistam Haire Peace Salon Aleham Vialem, prajekt Ženi Kučmiejny ź Iŭja.K i haradzienskija fołk-panki Dzieciuki, ramantyčny hurt Navi dy čaroŭnaja bieraściejskaja kamanda Landau adpaviedna.
Najlepšych u kožnaj z naminacyjaŭ nazavuć uładalniki letašniaj premii.
«Heta padzieja moža stać niečym padobnym da Novaha Hoda dla muzykaŭ. Kropka, ad jakoj možna azirnucca i pahladzieć, što ty zrabiŭ, dobra heta ci nie. Ja byŭ vielmi ščaślivy, kali pačuŭ, što «Hierojami 2013 hodu» staŭ hurt Re1ikt. Heta daje nievierahodnuju padtrymku, zaradžaje enierhijaj bolš čym na hod! Ja dumaju, što pryznańnie «Hierojami» dapamaža kožnamu muzyku rabić svaju nialehkuju, ale dobruju spravu», — kaža Aleś Dziemidzienka, lidar minułahodnich «Hierojaŭ hoda».
«Kali ciabie nazyvajuć debiutam hodu, tabie dajuć avans. Letaś dziakujučy premii «Tuzina» na nas źviarnuli ŭvahu muzyčnyja krytyki i novyja słuchačy. Mnie b chaciełasia, kab my apraŭdali spadziavańni, jakija na nas byli uskładzienyja z hetaj premijaj», – zaŭvažaje Mikita Najdzionaŭ, lidar hurta Hurma.
Akrom taho, na kancercie siońnia buduć adznačanyja pieramožcy ŭ naminacyjach «Klip siezonu», «Albom siezonu» i «Pieśnia siezonu» pavodle hałasavańnia cłuchačoŭ na partale Tuzin.fm u siezonie.
Z hetaj nahody z setam na premii vystupić «Alaksandra i Kanstancin» pašyrynym składam. Mienavita ich albom «M1» byŭ pryznany najlepšym.
Vieści kancert budzie Maksim Žbankoŭ, viadomy svaimi artykułami pra stan sučasnaj kultury, jaskravymi pramovami, lekcyjami i telepieradačami.
Kancert prachodzić pry padtrymcy hramadskaj kampanii «Budźma biełarusami!»
***
12 śniežnia (piatnica). Minsk, kłub «Piraty» (pr-t Partyzanski, 6a).
19:00.
Premija «Hieroi hodu» ad partału Tuzin.fm pry ŭdziele Landau, Leibonik, Bristeil,.K, A&K, Dzieciuki, Navi. Kvitki: 120 000 (tancplac), 150 000 (stolik). Telefon dla daviedak: +375 29 687-20-93.
