U piacizorkavym hateli ŭ centry Maskvy čaćviora mužčyn źbili dźviuch dziaŭčat, paviedamlajuć rasijskija ŚMI.
Pa słovach paciarpiełych, jany paznajomilisia z mužčynami ŭ kafe, paśla čaho vyrašyli razam adpačyć u načnym kłubie.
Ranicaj čaćviora tavaryšaŭ na dvuch aŭtamabilach pryvieźli svaich novaśpiečanych siabrovak ŭ piacizorkavuju haścinicu Crowne Plaza, dzie sami spynilisia padčas dziełavoj pajezdki. Dziaŭčyny jechali ŭ adnoj mašynie z dvuma maładymi ludźmi, a ŭ inšaj znachodzilisia dvoje inšych ich znajomych. Vyśvietliłasia, što ŭsie čaćviora mužčyn byli biźniesmienami z Turcyi.
Jak raspaviali pravaachoŭnikam paciarpiełyja, jak tolki mužčyny pryvieźli ich u hatel, adrazu ž nakinulisia na ich i sprabavali zhvałtavać. Adna ź dziaŭčat zmahła vyrvacca i dabracca da resiepšna, kab paklikać na dapamohu.
Miedyki, jakija prybyli pa vykliku, pabačyli ŭ dziaŭčat šmatlikija ślady źbićcia. Adnak palicyjantam paciarpiełyja zajavili, što pretenzij da kryŭdzicielaŭ nie majuć. Niahledziačy na heta, pravaachoŭniki pravodziać pravierku pa dadzienym fakcie.
