U Biełarusi niama pieradumoŭ dla zamarožvańnia valutnych układaŭ nasielnictva. Pra heta siońnia žurnalistam zajaviła staršynia praŭleńnia Nacbanka Nadzieja Jermakova.

Staršynia praŭleńnia adznačyła, što ŭ bankach nazirajuć adtok valutnych układaŭ. Ludzi aścierahajucca, što ich hrošy mohuć być zamarožanyja. Nadzieja Jermakova nie bačyć pieradumoŭ dla takich dziejańniaŭ. «Navat niejak nie ŭkładajecca ŭ hałavie: jak heta možna zamarozić valutnyja ŭkłady? U nas takoj situacyi niama. U luby čas banki mohuć zaniać valutnyja resursy ŭ zamiežnych bankaŭ», — skazała jana.

Pa słovach kiraŭnika Nacbanka, nie płanujecca i panižeńnia stavak pa valutnych układach. «Panižać staŭki pa valutnych układach niama kudy. Jany ŭ nas u krainie nizkija. Maksimalnyja dasiahajuć 6-6,5%», — zaŭvažyła Nadzieja Jermakova.

Što tyčycca rublovych układaŭ, to ich adtok z bankaŭ praktyčna spyniŭsia z pryčyny taho, što staŭki pa depazitach u nacyjanalnaj valucie vyraśli da 50%. «Heta zrabili praktyčna ŭsie banki pa ŭsich dziejnych układach», — zaŭvažyła staršynia praŭleńnia Nacbanka.

Biełaruskija banki rychtujuć prahramnaje zabieśpiačeńnie, kab prapanavać klijentam terminovy harantavany aščadny ŭkład ź miechanizmam indeksacyi rublovych źbieražeńniaŭ pry źmienie abmiennaha kursu biełaruskaha rubla. Takija jość u troch viadučych bankaŭ krainy. Naprykład, u Biełarusbanku, pa słovach Nadziei Jermakovaj, na takich układach sabrałasia bolš za Br1 trłn. Akramia taho, banki Biełarusi adnavili vydaču rublovych kredytaŭ zychodziačy z najaŭnaj u ich likvidnaści.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?