Kab nabyć dalar, biełarus musić dapłacić 30% da jahonaha koštu. Ź niazručnaściami pry kupli valuty sutykajucca žychary jašče niekalki krain. Rasijski błohier Illa Varłamaŭ apisaŭ ich dośvied.

Arhiencina

U miascovaj valuty niaprostaja historyja: za XX stahodździe jana pieražyła čatyry denaminacyi, a paśla vialikaha kryzisu 2001-2002 hadoŭ nie zmahła ŭmacavacca. Inflacyja vielmi vialikaja, hrošy tańniejuć chutka, i naturalna, što popyt na dalary vielmi vysoki. Da 2011 hoda adtok kapitału za miažu dasiahnuŭ adznaki ŭ $21 miljard, i ŭrad u adkaz na heta zabaraniŭ kuplu zamiežnaj valuty dla nazapašvańnia. Možna było kupić hrošy dla zamiežnych pajezdak, ale tolki padaŭšy śpiecyjalnaje prašeńnie. U studzieni hetaha hoda kuplać i zachoŭvać dalary doma znoŭ dazvolili, ale taksama z ahavorkami — heta mohuć rabić tolki tyja ludzi, čyj zadekłaravany dachod pieravyšaje dva minimalnyja zarobki. Akramia taho, kupić valutu vy možacie nie bolš čym na 20% svajho miesiačnaha zarobku, i z hetaj pakupki daviadziecca zapłacić 20% padatku.

U toj ža čas isnuje vielizarny čorny rynak, dzie dalary možna dastać biez usialakich abmiežavańniaŭ, ale pa značna bolš vysokim kursie.

Vieniesueła

Pieršy saviet, jaki dajuć turystam, jakija adpraŭlajucca ŭ Vieniesuełu, — biarycie najaŭnyja dalary. Možna, viadoma, raspłačvacca i bankaŭskimi kartami, ale pa aficyjnym kursie, jaki mienš za nieaficyjny ŭ 3 razy.

Sacyjalistyčnaja dziaržava, jakaja ekspartuje naftu, amal usio kuplaje za miažoj. Hučyć znajoma? Inflacyja tut składaje kala 60% za hod. Tut dziejničajuć adrazu try aficyjnyja kursy dalara i adzin nieaficyjny — samy nizki, 6 balivaraŭ za $1, pryznačany dla kampanij-imparcioraŭ samych važnych tavaraŭ nakštałt ježy i lekaŭ, za 11 balivaraŭ možna kupić valutu dla ŭsiaho astatniaha impartu, za 50 — dla čaho zaŭhodna na ŭradavym aŭkcyjonie.

Tym časam na čornym rynku kurs dalara składaje ŭžo 150 balivaraŭ.

Z zamiežnymi pajezdkami taksama ŭsio niaprosta — zvyčajnyja hramadzianie mohuć tracić nie bolš za $400 na hod na internet-pakupki za miažoj, uklučajučy braniravańnie hatelaŭ i inšaje, pryčym tolki z kredytnych kart, vydadzienych nie raniej, čym šeść miesiacaŭ tamu. Heta pryčyniaje vieniesuelcam vialikija niazručnaści i zmušaje ich prydumlać roznyja schiemy, kali za haścinicu pa čarzie płaciać niekalki členaŭ siamji sa svaich bankaŭskich kart. Pry pajezdkach za miažu taksama jość limity — možna tracić nie bolš za $2500 z karty i nie bolš za $500 najaŭnymi, pryčym dla hetaha padychodziać tolki vydadzienyja miascovymi bankami kredytnyja (a nie debietavyja) karty.

Tym časam padzieńnie cenaŭ na naftu jašče bolš paharšaje składanuju ekanamičnuju situacyju. Urad ŭvodzić abmiežavańni na prodaž praduktaŭ i ŭstanaŭlivaje skaniery adbitkaŭ palcaŭ u supiermarkietach, jość prablemy z vadoj i bienzinam. Prezident Vieniesueły Nikałas Madura śpisvaje ŭsie hetyja prablemy na śpiekulantaŭ, kantrabandystaŭ i kapitalistyčnych vorahaŭ, jakija tolki i dumajuć pra krach hordaj sacyjalistyčnaj krainy.

Efiopija

Usie apieracyi z zamiežnaj valutaj tut pavinny prachodzić praź miascovy Centrabank. Dalaraŭ u krainie vielmi mała, tamu navat kampanijam-imparcioram davodzicca čakać zadavalnieńnia svaich zajavak na valutu pa try miesiacy, z poŭnaj pieradapłataj. Zvyčajnym hramadzianam dalary kuplać taksama možna, ale heta nie zaŭsiody atrymlivajecca, i zachoŭvać ich doŭha nielha — praz 45 dzion paśla pakupki treba dać spravazdaču ab tym, jak patraciŭ hetyja hrošy i zdać liški nazad. Limit dla zamiežnych pajezdak sładaje ŭsiaho $1000. Zamiežnikaŭ, jakija pryjazdžajuć siudy sa svaimi hrašyma, taksama stroha kantralujuć — kolkaść valuty dla ŭvozu nie abmiežavanaja, ale jaje ŭsiu treba dekłaravać i pieravodzić u byry, a pry adjeździe pradjavić dakumienty i čeki, jakija paćviardžajuć, što vy sumlenna patracili svaje hrošy, inakš mohuć i za kraty kinuć, u surovuju efijopskuju turmu. Kali ŭ vas da kanca pajezdki niešta zastałosia, to možna prajści praz składany biurakratyčny praces i abmianiać byry nazad na dalary, pa mienš vyhadnym kursie. Z saboj zabrać možna tolki 100 byr (kala $2), kali nie atrymałasia skanviertavać astatnija hrošy, to ich zastaniecca tolki padaryć pamiežnikam. Padobnaja situacyja i ŭ susiedniaj Erytrei.

Erytreja

U krainie dziejničak abmiežavańnie na abarot valuty. Prosta tak kupić dalary miascovamu žycharu niemahčyma. Kali vy raptam vyjazdžajecie za miažu, vam mohuć vydzielić trochi dołaraŭ (raźlik idzie $100 na sutki). Aficyjny kurs 15 miascovych nakfa za dołar. Na čornym rynku za dalar tabie daduć 30 abo 40 nakfa! Ułady zmahajucca z čornym rynkam. Na vulicach i ŭ taksi časta pracujuć pieraapranutyja palicyjanty pad vyhladam mianiałaŭ, kab złavić turystaŭ. Aściarožniej. Zatoje kali atrymoŭvajecca pamianiać na čornym rynku vašy dalary, vy adrazu stanoviciesia bahaciejem. Usie ceny dla vas adrazu ŭ 2-3 razy mienš!

Uźbiekistan

Miascovaja valuta, sum, vielmi słabaja. Sto dalaraŭ u sumach važać prykładna 0,25 kiłahrama. Tamu niadziŭna, što miascovyja žychary imknucca pravodzić usie bujnyja ździełki ŭ dalarach, inakš daviałosia b vazić tudy-siudy kalaski hrošaj. Da 2013 hoda tut byli aficyjnyja abmieńniki i čorny rynak, pradavali valutu z roźnicaj 20-30%, pryčym u bankach jaje praktyčna nikoli nie byvała, a vyhadny aficyjny kurs byŭ dastupny tolki miascovaj elicie, jakaja šmat na hetym zarablała. U lutym 2013 urad zusim zabaraniŭ prodaž najaŭnych dalaraŭ nasielnictvu: ciapier tut možna trymać valutu tolki na bankaŭskich kartkach. Samo saboj, jość abmiežavańni: kožnyja try miesiacy možna kupić nie bolš za $2000 i potym zdymać nie bolš za $100 najaŭnymi za sutki, pryčym tolki za miažoj. Tamu dla taho, kab lehalna pieravieści svaje hrošy ŭ dalary, hramadzianam Uźbiekistana davodzicca jechać u inšuju krainu i pravodzić tam pa 20 dzion kožnyja try miesiacy. Situacyja paharšajecca jašče i tym, što hetyja kartki naohuł nie pracujuć na terytoryi Uźbiekistana, uklučajučy kramy «djuci-fry». Naturalna, heta niazručna, i ludzi praciahvajuć karystacca kuplać nielehalnyja dalary ŭ kryminalnych mianiałaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?