Biełaruskaja bijatłanistka Darja Domračava nazvanaja najlepšaj spartsmienkaj Jeŭropy 2014 hoda pa vynikach apytańnia, praviedzienaha ŭ 32-hi raz kantynientalnaj siekcyjaj Mižnarodnaj asacyjacyi spartyŭnaj presy.
Na zimovych Alimpijskich hulniach u Sočy Domračava zavajavała try załatyja miedali.
Spartsmienka zaniała druhoje miesca ŭ apytańni spartyŭnych žurnalistaŭ śvietu (paśla amierykanskaj tenisistki Siereny Uiljams) i była pryznanaja najlepšaj u siabie ŭ krainie pa vynikach apytańniaŭ BiełaPAN i haziety «Sportivnaja panorama».
