Prezident Kazachstana Nursułtan Nazarbajeŭ 9 studzienia pryjedzie ŭ Bierlin na pieramovy z kancleram FRH Anhiełaj Mierkiel (Angela Merkel). Sustreča budzie pryśviečanaja prablemie vyrašeńnia ŭkrainskaha kanfliktu i padrychtoŭcy da mahčymych pieramoŭ u «narmandskim farmacie» ŭ siaredzinie studzienia ŭ Astanie, zajaviŭ u sieradu, 7 studzienia, aficyjny pradstaŭnik urada FRH Štefen Zajbiert (Steffen Seibert) u Bierlinie, paviedamlaje Deutsche Welle.

Pra toje, ci adbuducca zapłanavanyja na 15 studzienia pieramovy ŭ Astanie, Zajbiert nie paviedamiŭ, adznačaje ahienctva dpa. «Ja pakul nie mahu skazać, ci budzie mieć miesca padobnaja sustreča i kali jana moža prajści. Važna, kab na joj byli dasiahnutyja kankretnyja vyniki», — padkreśliŭ jon.

Paralelna z sustrečaj Mierkiel i Nazarbajeva 9 studzienia adbudziecca telefonnaja kanfierencyja ministraŭ zamiežnych spraŭ Rasiei, Ukrainy, Francyi i Niamieččyny, paviedamlaje ahienctva. Akramia taho, u pačatku nastupnaha tydnia moža adbycca sustreča na ŭzroŭni kiraŭnikoŭ MZS hetych krain, taksama pryśviečanaja padrychtoŭcy da mahčymych pieramoŭ u stalicy Kazachstana.

Клас
0
Панылы сорам
0
Ха-ха
0
Ого
0
Сумна
0
Абуральна
0