Litoŭskaja kamisija pa telebačańni i radyjoviaščańni ŭ sieradu pačała praceduru prypynku retranślacyi ŭ respublicy «RTR Płanieta» i «NTV Śviet», adnak pracedura budzie zavieršana, kali kamisii ŭdasca pryjści da pahadnieńnia z telekanałami, zajaviŭ RIA Naviny staršynia kamisii Edmundas Vajtekunas.

Kamisija ŭhledzieła mnostva parušeńniaŭ žurnalisckaj etyki ŭ aśviatleńni padziej va Ukrainie ŭ prahramie «Viestki ŭ subotu» na «RTR Płanieta» i prahramie «Siońnia» na «NTV-Śviet» ad 23 listapada. Retranślacyja ŭ Litvie «RTR Płanieta» i «NTV Mir» moža być spynienaja terminam na hod, bo raniej sud pa patrabavańni kamisii ŭžo sankcyjanavaŭ zabaronu na retranślacyju vyrablenych u Rasii pieradač hetych telekanałaŭ terminam na try miesiacy.

U sieradu Litoŭskaja kamisija pa telebačańni i radyjoviaščańni taksama pryniała rašeńnie ab nieabchodnaści prypynieńnia retranślacyi stvoranych u Rasii pieradač telekanała «Ren TV Bałtyja».

Клас
0
Панылы сорам
0
Ха-ха
0
Ого
0
Сумна
0
Абуральна
0