Ministerstva achovy zdaroŭja zabaraniła pavialičvać ceny na płatnyja miedycynskija pasłuhi dla hramadzian Biełarusi.

Pra heta havorycca ŭ adpaviednym liście namieśnika ministra achovy zdaroŭja Viačasłava Šyły.

Pavodle lista, jaki apublikavany ŭ viedamasnaj haziecie «Miedicinskij vieśnik», upraŭleńniam achovy zdaroŭja ŭ rehijonach, kiraŭnikam dziaržarhanizacyj, padparadkavanych Ministerstvu achovy zdaroŭja, subjektam haspadarańnia niedziaržaŭnaj formy ŭłasnaści daručana nie dapuskać rostu cenaŭ na płatnyja miedpasłuhi dla hramadzian Biełarusi (u tym liku na raschodnyja materyjały), jakija akazvajucca jurydyčnymi asobami i IP.

Akramia taho, kiraŭnictvu abłasnych upraŭleńniaŭ achovy zdaroŭja, staršyni kamiteta pa achovie zdaroŭja Minharvykankama daručana arhanizavać dakładnuju sistemu kantrolu za źmianieńniem uzroŭniu cen na płatnyja miedpasłuhi.

«Pry vyjaŭleńni parušeńniaŭ buduć pryniaty miery adkaznaści da kiraŭnikoŭ, jakija nie zabiaśpiečyli vykanańnie dadzienaha daručeńnia», — havorycca ŭ liście.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?