Na Baranavickim bavaŭnianym kambinacie častku zarobku rabotnikam vydajuć pradukcyjaj — paścielnaj bializnaj. Pra heta redakcyi «Našaj Nivy»paviedamiŭ čytač, jaki pracuje na pradpryjemstvie.

«Na taki krok administracyja vyrašyła pajści ŭ suviazi z kryzisam -– pryjšoŭ zahad, kab premiju atrymlivali pradukcyjaj. A ŭ mianie, naprykład, taryfnaja staŭka tolki miljon, astatniaje — kala 2,5 miljona — premija. Tyja, chto pracuje tolki za akład, atrymajuć hrošy, astatnija — troški hrošaj i niekalki kamplektaŭ paścieli», — skardzicca mužčyna.

Na pradpryjemstvie siaredni zarobak nie taki vialiki: try-čatyry miljony. A jašče raniej, u listapadzie, pradpryjemstva zrezała premii, skardzicca čytač, chacia ludzi pracavali dobra i čakali narmalny zarobak. A zaraz, kaža naš surazmoŭca, ŭ pradpryjemstva zusim niama hrošaj, tamu jano vyrašyła ŭvohule admovicca ad vypłaty premij. Miera heta časovaja, uviedziena pakul tolki na dva miesiacy.

U buchhałteryi pradpryjemstva infarmacyju ab «premiravańni bializnaj» paćvierdzili, ale ž za tłumačeńniem nakiravali da ekanamičnaha dyrektara Aleny Pasiukievič.

Alena Pasiukievič prosić ludziej paciarpieć: «Premija ŭsich supracoŭnikaŭ idzie pradukcyjaj ułasnaj vytvorčaści. Adzin miesiac možna paciarpieć, treba paciarpieć. My zrabili takoje adzin raz, mahčyma budzie jašče ŭ studzieni. Ale heta zaležyć jašče ad kredytavańnia. Takaja situacyja siońnia nie tolki na našym pradpryjemstvie».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?