EPA/BERND VON JUTRCZENKA

EPA/BERND VON JUTRCZENKA

Kancler Hiermanii Anhieła Mierkiel zajaviła, što sankcyi Jeŭrasajuza suprać Rasii mohuć być admienienyja tolki pry najaŭnaści poŭnaha vykanańnia minskich pahadnieńniaŭ, padpisanych pradstaŭnikami Kijeva i prarasijskich sieparatystaŭ u vieraśni. Pra heta ŭ čaćvier, 8 studzienia, paviedamlaje Reuters.

Vystupajučy na pres-kanfierencyi ŭ Bierlinie paśla sustrečy z premjer-ministram Ukrainy Arsienijem Jacaniukom, Mierkiel zajaviła, što jana nie čakaje, što asobnyja sankcyi, źviazanyja z Krymam, mohuć być admienienyja, bo heta patrabavała b viartańnia dałučanych da Rasii terytoryj.

«U mianie mała nadziejaŭ u hetym kirunku», — skazała Mierkiel.

Astatnija sankcyi byli ŭviedzienyja ŭ adkaz na «ŭmiašańnie» Rasii ŭ toje, što adbyvajecca na ŭschodzie Ukrainy, nahadała kancler. Pavodle jaje słoŭ, pierš čym lidary ES zmohuć havaryć ab admienie abmiežavalnych mier, pavinny być całkam realizavany minskija pahadnieńni.

Jak zajaviła Mierkiel, ciapier «jość prahres u vykanańni režymu spynieńnia ahniu (na ŭschodzie Ukrainy), adnak pieramirje krochkaje».

Kancler taksama raspaviała, što ŭ bližejšyja dni stanie zrazumieła, ci adbudziecca sustreča lidaraŭ Ukrainy, Rasii, Francyi i Hiermanii, jak i płanavałasia, u kancy studzienia ŭ Astanie. Raniej prezident Ukrainy Piatro Parašenka paviedamiŭ, što płanuje sustrecca z rasijskim, niamieckim i francuzskim lidarami ŭ Astanie 15 studzienia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?