Ad doma ŭ Vuhlehorsku ničoha nie zastałosia, facebook.com/Vyacheslav.Abroskin

Ad doma ŭ Vuhlehorsku ničoha nie zastałosia, facebook.com/Vyacheslav.Abroskin

Siońnia, 18 studzienia, byŭ abstralany bajevikami Vuhlehorsk z boku Jenakijeva na Danbasie. U vyniku pramoha traplańnia ŭ pryvatny dom zahinuli dva chłopčyki 7 i 16 hadoŭ. 

Vypadak apisaŭ u svaim fb ministr unutranych spraŭ Ukrainy Arsien Avakaŭ.

«Vaśmihadovaja Tania Čarnabaj pryjšła ŭ hości da susiedziaŭ pahladzieć film — Hieorhija Kamaroŭskaha i Misački Ramana, chłapčukoŭ 7 i 16-ci hadoŭ.

U 14:45 da ich u pryvatny dom u Vuhlehorsku z boku Jenakijeva prylacieli reaktyŭnyja snarady ad hradaŭ. Chłapčuki zahinuli na miescy, dziaŭčynka z ranieńniami dastaŭlena ŭ balnicu. Žyvaja..

Vy išli na vulicach, trymali adzin adnaho za ruki, bačyli pierad vačyma rasstreł terarystami vałnavachskaha aŭtobusa [u vyniku abstrełu 13 studzienia zahinuli i pamierli ad ran 12 čałaviek, 17 byli paranienyja — NN]. Išli i kožny dumaŭ ab tych tysiačach zahinułych u hetaj vajnie, raźviazanaj bajevikami i ruskimi.

Vy išli, a ŭ hety čas jany stralali ŭ žyłyja kvartały.. Aŭdziejeŭka, Krasnahoraŭka, Vuhlehorsk.

Tak, ja hutaryŭ z kiraŭnikom misii ABSIE. Dy jon zapeŭniŭ mianie, što nieadkładna źviažacca z danieckimi bajevikami z patrabavańniem spynić abstreły… Tak — heta ŭsio tak. Ale..

Pakul Rasija nie pierastanie padvozić śmiarotnyja rakiety i nie pierastanie ŭdzielničać u rasstrele Ukrainy — hetaja vajna nie skončycca. Sprava nie ŭ bajevikach i sieparatystach - ich źmiatuć ludzi za tydzień. Pytańnie tolki ŭ tym, što b ruskija pierastali «humanitarnymi hruzami» vieźci śmiarotnyja rakiety va Ukrainu..

Hetaja vajna budzie zacichać i ŭspychvać, ale kaniec hetaj vajny budzie tady, kali budzie kaniec pucinskaha režymu. Inšaha kanca nie budzie..».

Клас
0
Панылы сорам
0
Ха-ха
0
Ого
0
Сумна
0
Абуральна
0