Miery abmiežavańnia mohuć prymianiacca ŭ adnolkavaj stupieni da ŭsich dastupnych u Biełarusi internet-resursaŭ, paviedamiła siońnia ministr infarmacyi Lilija Ananič u chodzie anłajn-kanfierencyi na temu «Novy zakon ab ŚMI» na sajcie BiełTA.

Kali nienaležnaja infarmacyja raźmieščana na zamiežnym resursie, nie zarehistravanym u damiennaj zonie.BY, ale padpadaje pad dziejańnie zakona ab ŚMI, da resursu buduć prymianiacca takija miery, jak abmiežavańnie dostupu, vyniasieńnie papiaredžańnia, skazała Lilija Ananič.

«Dziejańnie zakona ab ŚMI raspaŭsiudžvajecca na ŭsie srodki masavaj infarmacyi, dastupnyja ŭ našaj krainie. Heta datyčycca i drukavanych, i elektronnych resursaŭ», — udakładniła ministr.

Kožny praces patrabuje hłybokaha zakanadaŭčaha analizu, i pravaprymianialnaja praktyka patrabuje hłybokaha asensavańnia i prymianieńnia, adznačyła kiraŭnik Mininfarma.

«Mienavita ŭ hetym siła nacyjanalnaha zakanadaŭstva ab srodkach masavaj infarmacyi. Dziaržava, nazirajučy destruktyŭnyja prajavy, vynosić svoj vierdykt, taksama jak i tyja, da kaho heta adnosicca, majuć prava abaraniać svaje intaresy ŭ adpaviednaści z zakanadaŭstvam», — padkreśliła Lilija Ananič.

Клас
Панылы сорам
Ха-ха
Ого
Сумна
Абуральна