U Maskvie ŭ hetyja vychodnyja hareła biblijateka Instytuta navukovaj infarmacyi pa hramadzkich navukach (INION RAN). Uviečary 1 lutaha daviałosia prajazdžać praz toje miesca.

ŚMI paviedamlali, što pažar patušany, ale z budynku praciahvaŭ iści toŭsty dym. U pavietry pach nie palonaje humy i plastyka, jak zvyčajna na pažarach, a pach čyhunačnaj stancyi abo vohnišča. Hareli knihi.

U Biblijatecy INION zachoŭvajecca najbujniejšaja ŭ Rasiei biblijateka knihaŭ na słavianskich movaŭ, u tym liku na biełaruskaj movie.

U pačatku 2000-ch hadoŭ u hetaj biblijatecy Maskoŭskaja Hramada Biełaruskaj Kultury, najstarejšaja i adzinaja «niezaležnickaja» arhanizacyja biełaruskaj dyjaspary ŭ Maskvie, niejki čas pravodziła svaje mierapryjemstvy.

Ščyra skažu - pa-mojmu, mienavita tudy ja ŭpieršyniu pryjšoŭ na biełaruskaje hramadzkaje mierapryjemstva i mienavita tam upieršyniu ŭ darosłym uzroście sustreŭ ofłajnavych biełaruskamoŭnych.

Paviedamlajecca, što paškodžana 15% fondaŭ biblijateki. Chtości maje hrošy, kab padtrymlivać bajavikoŭ u Danbasie, ale nia maje hrošaj, kab jakasna zabiaśpiečyć supraćpažarnuju abaronu i zachavać unikalnyja kaštoŭnyja skarby. Da čaho ž usio heta prykra.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?