«NN» prapanavała svaim čytačam sfatahrafavacca da Dnia śviatoha Valancina sa svajoj paraj. U hetym hodzie ŭ Redakcyju trapiła bolš za 20 zajavak. Nie z usimi my paśpieli skantaktavacca, kab paśpieć sfatahrafavać da śviata, niechta z achvočych znachodziŭsia nie ŭ Minsku. Udziačnyja tym, chto paśpieŭ znajści čas dla zdymak. Usim im zyčym viernaha kachańnia i słaŭnaha rodu. I prosim zapisać u natatnikach: nastupny raz skantaktavacca z NN praz 10, 25 i 50 hadoŭ.
Fotyzdymki na hałoŭnaj staroncy buduć mianiacca, kožnaja para tudy trapić.
Jaŭhien (24) i Chryścina (23). Sustrakalisia 2,5 hoda i paŭhoda tamu ažanilisia. Park Čaluskincaŭ.
Čaropki Michaś (28) z Asipovičaŭ i Maryna (25) ź Viciebska. Michaś pracuje nad litaraturnym prajektam, a Maryna — fatohraf.
Aleś (29) i Nastaśsia (21) Krasoŭskija. Aleś prahramist, a Nastaśsia vyvučaje dyzajn adzieńnia.
Mienčuki Chviedar (26) i Palina (25) Kaściučenki. Chviedar pracuje ŭ śfiery miedycynskaha turyzmu, a Palina znachodzicca ŭ tvorčym adpačynku. Žanatyja paŭhoda.
Vital (22) i Chryścina (20). Sustrakajucca bolš za hod. Chryścina vyvučaje śpiecyjalnaść inžyniera-budaŭnika, a Vital pracuje ŭ Minsku.
Alaksiej (28) finansist i Śniažana (27) brend-mieniedžar. Razam 5 hadoŭ, a apošnija paŭtara — muž i žonka.
Alaksandr (23) i Chryścina (21). Chryścina vyvučaje meniedžmient sacyjakulturnaj dziejnaści, a Alaksandr — aŭtamabilist. Sustrakajucca niadaŭna.
Andrej (23) i Hanna (21). Ažanilisia letaś.
Siarhiej (30) nastaŭnik biełaruskaj movy i Lizavieta (30) mieniedžar-vykładčyk. Razam na ŭsio žyćcio.
Pavieł i Maryja — maładaja para ź Minska. Sustrakajucca paŭtara hoda.
Stanisłaŭ i Vieranika. Stanisłaŭ pracuje ŭ bankaŭskaj śfiery, a Vieranika — śpiecyjalist pa turyźmie. Znajomyja sa škoły i ŭžo 2,5 hoda jak žyvuć u šlubie.
Dzień śviatoha Valancina adznačajecca ŭ honar rańniechryścijanskaha śviatoha, što nasiŭ hetaje imia, ale pachodzić ad rymskich Łupierkalij, fiestyvalu eratyzmu ŭ honar bahoŭ kachańnia.
Śviatoha Valancina ŭ 269 hodzie n. e. rymski impieratar Kłaŭdzij II zahadaŭ zabić za prapaviednickuju dziejnaść siarod moładzi. Jon byŭ pakarany 14 lutaha.
U Siaredniavieččy žyćcio sv. Valancina pačało abrastać lehiendami. Pavodle ich, impieratar zabaraniŭ mužčynam žanicca, kab lepš vajavali, a śviatar Valancin upotaj aśviačaŭ šluby. Śviatara asudzili na śmierć. U turmie jon paznajomiŭsia z dačkoj nahladčyka — Julijaj. Zakachany śviatar pierad śmierciu napisaŭ joj pryznańnie ŭ kachańni — valancinku. Hetaja duchoŭnaja lehienda źmianiła pahanskaje hulbišča.
I choć śviata nie źjaŭlajecca dziaržaŭnym u nivodnaj krainie, adznačajuć jaho ciapier usiudy, akramia Paŭnočnaj Karei i t.p., dzie dahetul kirujuć sučasnyja kłaŭdzii.
Hladzi jašče:
Biełaruskaje kachańnie 2013: zakachanyja čytačy NN na dzień Śviatoha Valancina
