Bolš za 240 par abmianiajucca šlubnymi piarścionkami ŭ Dzień usich zakachanych u Minsku, paviedamili ŭ adździełach ZAHSaŭ stalicy.
favim.com
Viadoma, samymi «ŭradžajnymi» na viasielli źjaŭlajucca letnija dni, ale jość i adzin zimovy, jaki moža ź imi pasupierničać. Havorka idzie pra Dzień śviatoha Valancina, jaki zavajavaŭ vielizarnuju papularnaść siarod zakachanych. Sioleta 14 lutaha źviazać siabie vuzami Himienieja vyrašyli bolš za 240 staličnych par.
U ZAHSie Zavodskaha rajona siońnia zaklučać šlub bolš za 20 zakachanych. U Leninskim rajonie padadziena 31 zajava, u Kastryčnickim — 35. U Partyzanskim rajonie vykazali žadańnie stać mužam i žonkaj 17 par, u Pieršamajskim — 24, u Savieckim — 20, u Centralnym — 26 par. Šlubnymi piarścionkami ŭ ZAHSie Frunzienskaha rajona ŭ Dzień śviatoha Valancina abmianiajucca 19 par, u Maskoŭskim — 30. U Domie šlubaŭ uračystaja cyrymonija adbudziecca dla 21 pary.
Jak adznačyli ŭ adździełach ZAHS, ładziać viasielle ŭ Dzień zakachanych u asnoŭnym maładyja ludzi, jakija ŭpieršyniu biaruć šlub. Sioleta siarod maładych buduć i 18-hadovyja pary.
Usiaho ŭ 2014 hodzie ŭ stalicy było zarehistravana 17 613 šlubaŭ. U 2013 hodzie vuzami Himienieja źviazali siabie 17034 staličnyja pary. A voś kolkaść razvodaŭ u minułym hodzie źmienšyłasia na 1,6% i skłała 7764. Na 1 tys. šlubaŭ prypaŭ 441 razvod u 2014 hodzie i 463 — u 2013-m.