U Breście pa padazreńni ŭ zabojstvie svajoj žonki zatrymany miascovy žychar. 

Jak paviedamiła aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova, u dačynieńni da mužčyny Bresckim mižrajonnym adździełam SK raspačata sprava na padstavie č. 1 art. 139 KK (zabojstva). 

Padazrony pad ranicu 16 lutaha ŭ siabie doma nanios 27-hadovaj žoncy nie mienš jak try ŭdary manciroŭkaj u vobłaść hałavy. 

Sa słoŭ mužčyny, 15 lutaha doma razam z žonkaj jon raśpivaŭ śpirtnoje. Ich 10-miesiačnuju dačku na vychadnyja ŭziali da siabie baćki žančyny. U noč na 16 lutaha pamiž mužam i žonkaj razhareŭsia kanflikt z-za reŭnaści muža, padčas jakoha toj staŭ nanosić svajoj žoncy ŭdary manciroŭkaj. 

Uśviadomiŭšy zroblenaje, mužčyna vyklikaŭ supracoŭnikaŭ chutkaj dapamohi, jakija zafiksavali bijałahičnuju śmierć žančyny. 

Padazrony zatrymany i źmieščany ŭ izalatar časovaha ŭtrymańnia. Ź im pracujuć śledčyja. 

Dla ŭstanaŭleńnia ŭsich akaličnaściaŭ zdareńnia pravodziacca nieadkładnyja śledčyja i inšyja pracesualnyja dziejańni, pryznačany kompleks sudovych ekśpiertyz. 

Jak zaznačyła Drańkova, raniej mužčyna nie sudzimy, pracuje vadzicielem u adnoj z arhanizacyj horada. Šlub muž i žonka zarehistravali kala hoda tamu.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?