Ukrainskija vajskoŭcy ŭ rajonie Debalcava masava atrymlivajuć SMS z zaklikami zdacca.
«Łajf tradycyjna zastajecca tut samaj zdatnaj suviaźziu, mienavita na jaho (i jašče ledź na Kijevstar) vajennyja masava atrymlivajuć SMS z zaklikami zdacca», — piša žurnalistka vydańnia «Novoje Vriemia» Anastasija Biaroza, jakaja znachodzicca ŭ pasiołku Łuhanskaje.
Žurnalistka dadaje, što takija paviedamleńni vyklikajuć u vajennych tolki śmiech, ale, «napeŭna, mohuć raschistvać i biez taho źniasilenyja niervy», — adznačaje žurnalistka.
U toj ža čas u kamientarach čytačy raspaviadajuć ab mahčymym ałharytmie rassyłki padobnych SMS.
«SMS adpraŭlajucca falšyvaj bazavaj stancyjaj, jakaja znachodzicca prykładna ŭ radyusie da 1 km ad aparata. Hetaja stancyja pielenhuje ŭsie uklučanyja GSM pieradatčyki ŭ hetaj zonie (i vyznačaje ich kolkaść). A my nie majem srodkaŭ radyjoelektronnaj raźviedki kab zapielenhavać ich», — piša karystalnik Raman Amielčanka.
