Adbyłasia telefonnaja razmova Uładzimira Pucina z prezidentam Respubliki Armienija Sieržam Sarhsianam, paviedamlaje pres-słužba Kramla.

«Abmierkavanyja klučavyja temy rasijska-armianskaha sajuźnickaha partniorstva, jakija tyčacca, u pryvatnaści, supracoŭnictva ŭ śfiery mirnaha atama i ŭ naftahazavaj haliny… Uzhodnieny płany majučych adbycca asabistych kantaktaŭ, jakija ŭklučajuć sumiesny ŭdzieł u pamiatnych mierapryjemstvach, prymierkavanych da 100-hodździa hienacydu, i ŭ śviatkavańni 70-hodździa Pieramohi ŭ Vialikaj Ajčynnaj vajnie», — havorycca ŭ paviedamleńni.

Cikava, što armianski sajt news.am pierastaviŭ hetu navinu sa spasyłkaj na sajt Kramla.

Nahadajem, što Pucin nie źjaŭlajecca na publicy z kanca minułaha tydnia. Pres-słužba vystaŭlała naviny pra jaho sustrečy zadniaj dataj, što dało padstavu dla roznych čutak.

Učora ahienctva Reuters paviedamiła, što mierkavanaja sustreča Pucina, Nazarbajeva i Łukašenki, što miełasia prajści ŭ Astanie, admieniena, i pryčynaj stała chvaroba prezidenta Rasii.

Siońnia pres-sakratar Pucina Dźmitryj Piaskoŭ zajaviŭ, što «jak tolki viasnoj źjaŭlajecca sonca, jak tolki pačynaje pachnuć viasnoj, pačynajucca abvastreńni. Kamuści mroicca adstaŭka Siečyna [kiraŭnika Rośniefti — NN], kamuści — adstaŭka ŭrada, a niechta niekalki dzion nie bačyć pa televizary prezidenta Pucina. My stavimsia da takich abvastreńniaŭ spakojna, ciarpliva adkazvajem na pytańni», — zajaviŭ Piaskoŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?