Pakolki viasnovy siezon tolki pačynajecca, bujnyja pradprymalniki i firmy imknucca raspradać staryja kalekcyi. Žurnalist «Našaj Nivy» abyjšoŭ try bujnyja hipiermarkiety i znajšoŭ tannyja i pry hetym vartyja rečy.
HC «Galileo» adčyniŭsia niadaŭna, ale ŭžo zajmieŭ papularnaść u minčukoŭ. U handlovym centry pradajecca adzieža viadomych brendaŭ, ale najbolšuju ŭvahu svaimi cenami pryvablivaje tureckaja firma De Facto.
Tak, naprykład, zaŭziatar ispanskaj «Barsiełony» moža nabyć sabie sakołku z vympiełam usiaho za 199 900, što pa minskich cenach zusim niadoraha.
Voś jašče prykłady źnižak u De Facto
Druhaja tureckaja firma, jakaja handluje u HC «Halilea» heta LC WAIKIKI
Tut taksama možna znajści niedarahija rečy.
Pahladzicie, davoli-taki jakasna zroblenaja bajka kaštuje ŭsiaho 250 000 b.r.
Ale samyja nizkija ceny byli zaŭvažanyja ŭ viadomaj firmie Terranova, jakaja znachodzicca na trecim paviersie handlovaha centra.
Na ŭvachodzie visić banier, što krama pravodzić vialiki rasprodaž — nu što ž, pahladzim.
Pakul vy nie vyrašyli kudy pajedziecie zakuplacca, voś vam ahlad z handlovaha centru «Niamiha 3».
Hety handlovy centr zbudavany nie tak daŭno, tamu vialikaj papularnaści jon nie maje. Mahčyma pryčyna ŭ tym, što ŭsiaredzinie jon nahadvaje zvyčajnyja «kamaroŭskija rynki». Šmat pradprymalnikaŭ — mała brendavych kramaŭ. Na trecim paviersie znachodzicca dziŭnaje miesca pad nazvaj Zara Style.
Chodziać čutki, što jon začyniajecca ŭžo bolš za hod, ale na ŭvachodzie zaŭsiody visiać šyldy, jakija sapraŭdy adpaviadajuć cenam.
Vybar tam na amatara, ale kali vam treba abnavić harderob, vy zmožacie tam što-niebudź patrebnaje znajści.
U asnoŭnym źnižki robiać zvyčajnyja łatki «ipešnikaŭ» ź nieviadomymi nazvami.
A jość i ŭvohule biez nazvaŭ…
Dla amataraŭ kłasičnaj vopratki jość krama CITY na druhim paviersie handlovaha centru.
Źnižki tam davoli-taki pryvabnyja.
Kali vy amatar spartovaha adzieńnia, to ad «Niamihi 3» vam treba prajści ŭ firmovuju kramu Nike, dzie ciapier taksama źnižki na adziežu i abutak.
Na niekatoryja vidy krasovak źnižki da 50%.
I apošnim handlovym centram budzie «Zamak», jaki viadomy svaim miescaznachodžańniem i adpaviedna, kantynhientam.
Treba adznačyć, što bolšaść kramaŭ tut užo pierajšła na viasnova-letniuju kalekcyju. Pry hetym, miescaznachodžańnie handlovaha centra nie dazvalaje bujnym firmam, kštałtu Lacoste, ECCO ci United Colors of Benetton stavić nizkija košty ci chacia b źnižki. Ale kali vy žyviecie pobač, možacie zajści u kramu MEXX na druhim paviersie, tam jość što tanna nabyć.
I kab vy adčuli roźnicu, zimovaja kurtka na źnižkach kaštuje amal 1 500 000.
Samaje cikavaje, što akramia MEXX`a, u «Zamku» tolki jašče adna krama pastaviła źnižki na vopratku. I heta krama Big Stars na 4 paviersie.
I toje, za zvyčajnuju bajku vy addaście 559 200 zamiest 699 000.
Treba adznačyć, što siońnia ŭ Minsku całkam možna tanna adziecca. Raniej, jak tolki bujnyja firmy źjaŭlalisia ŭ Biełarusi, jany vystaŭlali vialikija ceny na svoj tavar. Siońnia ž jany zrazumieli, što kali ceny buduć vysokimi, to ludzi buduć vyjazdžać za miažu, kab nabyć tyja ž rečy, ale pa nizkich koštach. Tamu abirajcie patrebny styl, jedźcie u handlovy centr i adnaŭlajcie harderob!
