«Vieršnica» – heta vobraz, raspracavany dla vokładki knihi Alesia Płotki «Bajsan», admysłova pierapracovanaja vyjava hierba «Pahonia». Ideja naležyć Alesiu Płotku, eskiz zrabiła Liza Pastušenka. Paštoŭka ź «Vieršnicaj» (dyzajner –Julija Hałavina) u 2015 hodzie pieramahła ŭ tvorčym konkursie Biełaruskaj słužby Radyjo Svaboda «Vinšujem pa-biełarusku».
A hramadzkaje ahienctva «Art-siadziba» vypuściła pa matyvach «Vieršnicy» cišotki. Adno što na paštoŭcy «Vieršnica» – na jarka-ružovym fonie, a na cišotkach pa šmatlikich prośbach dziaŭčat ružovy koler zamienieny na čyrvony, patłumačyŭ dyrektar «Art-siadziby» Pavał Biełavus.
Pra tydzień «Vieršnicy» i ŭmovy konkursu raspaviadaje paet i muzyka Aleś Płotka:
«Razam s «Art-siadzibaj» my paśpieli jakraz da 8 sakavika zrabić seryju cišotak ź «Vieršnicaj». I niekatoryja ludzi paśpiašalisia nas abvinavacić u tym, što my padtrymlivajem hienderna niapravilnyja śviaty. My hetaj akcyjaj pierakonvajem, što ludzi pavinny šanavać, canić, lubić adzin adnaho kruhły hod, a nia ŭ peŭnyja śviaty. I my vyrašyli, kab nablizić viasnu, zaklikać ludziej pad hetymi brendami, tehami, jakija pakazvajuć niečakany pohlad na zvyčajnyja źjavy, raspavieści svaje historyi, padzialicca dumkami, prosta pakazać pryhožyja, kreatyŭnyja fatazdymki, kalažy».
Takim čynam, na konkurs prymajucca fotazdymki, kalažy, «fatažaby», prosta filazofskija dumki, jakija ŭ niečakanym śviatle pakazvajuć aktualii hiendernych stasunkaŭ, stereatypaŭ i kachańnia.
Fatazdymki ź firmovymi cišotkami i paštoŭkami ź «Vieršnicaj» vitajucca najpierš. Ale hałoŭny kryter – aryhinalnaść pasta ŭ sacyjalnaj sietcy jak samastojnaha tvora.
Na konkurs zaličvajucca pasty z tehami #viershnica #vieršnica #vieršnica ŭ sacyjalnych sietkach vk.com, facebook.com, twitter.com dy instagram.com. Razhladajucca ŭsie pracy, źmieščanyja ŭ sacyjalnych sietkach da 17 hadziny 19 sakavika.
Uhanaravańnie pieramožcaŭ adbudziecca 19 sakavika na «Fajnym feście», jaki ładzicca stvaralnikami akcyi «Biełarusam być modna». Pieramožcy atrymajuću padarunak:
za 1 miesca – kvitok na dźvie asoby na «Fajny Fest», kniha «Bajsan», padpisanaja aŭtaram, cišotka hurta TerraKod (ź limitavanaj partyi) i lubaja cišotka ad symbal.by na vybar;
za 2 miesca – kvitok na dźvie asoby na «Fajny Fest» i lubaja cišotka ad symbal.by na vybar;
za 3 miesca – na adnu asobu na «Fajny Fest» + lubaja cišotka ad symbal.by na vybar
Dla tych, chto lanujecca fatahrafavacca, a lubić «fatažabić», usie zychodniki raźmieščanyja tut.
