Tym časam dom pačaŭ chilicca i sychodzić pad ziamlu. Pra toje, što pałova doma nachiliłasia, paćvierdžana i śpiecyjalistami. Paśla taho jak jašče ŭ 2008 hodzie žychary źviarnulisia ŭ Minharvykankam, administracyja Kastryčnickaha rajona pryniała rašeńnie pravieści kapramont doma ŭ 2011 hodzie. Ale potym svajo rašeńnie admianiła: byli «ustalavanyja dźvie draŭlanyja padporki (majački) dla vyznačeńnia ŭsadki doma», za imi viadziecca nazirańnie.
Žychary, pavodle ich słovaŭ, da hetaha času naležnym čynam nie prainfarmavanyja ab realnym techničnym stanie doma i ab jaho adpaviednaści praviłam biaśpieki. U mianie na kuchni raskoliny pa ścianie pajšli, i plitka pačała advalvacca», — padzialiŭsia svajoj biadoj žychar druhoha paviercha Ivan Ivanavič.
«My šasnaccać razoŭ pisali kalektyŭnyja zvaroty ŭ roznyja instancyi z prośbaj zrabić kapramont u našym domie, ale terminy z hodu ŭ hod pieranosilisia», — pakazvaje dakumienty miascovy aktyvist Kanstancin.
Voś i vyjšła, što žychary, stamilisia ad biaskoncych prośbaŭ, padali ŭ sud na administracyju i ŽREA Kastryčnickaha rajona, kab tyja viarnuli srodki, uniesienyja žycharami na kapramont doma.
Pad pazovam padpisalisia 19 čałaviek. Ludzi śćviardžajuć, što kali žycharam viernuć hrošy, jany sami zaprosiać tych, chto zrobić kapramont.
«Pakolki jość paniaćcie iskavaj daŭnaści, to hrošy my zmožam viarnuć tolki za apošnija 10 hadoŭ. Z vypiski raźlikova-kasavaha centra vynikaje, što ja, jak uładalnik dvuchpakajovaj kvatery, unios u pieryjad z 2005 hoda pa 2015 hod 1.945.00 rubloŭ — suma biez uliku inflacyi. Jaje my jašče budziem ličyć asobna», — raspavioŭ Kanstancin.
Pieršaje pasiedžańnie ŭžo adbyłosia 9 sakavika. Nastupnaje słuchańnie pa hetym pytańni projdzie ŭ sudzie Kastryčnickaha rajona 19 sakavika.
