Surazmoŭcy RSI śćviardžajuć, što ŭ pačatku tydnia ŭ balnicy byli zabraniravanyja dźvie pałaty: adna dla paradzichi, a druhaja dla ciełaachoŭnikaŭ. Na momant publikacyi abodva pamiaškańni ŭžo byli volnyja, udakładniaje teleradyjokampanija.
Pieršaja infarmacyja ab tym, što Kabajeva nibyta naradziła ŭ Šviejcaryi, źjaviłasia ŭ šviejcarskim niamieckamoŭnym tabłoidzie Blick. Vydańnie, u pryvatnaści, śćviardžała, što kliniku Śviatoj Hanny moh parekamiendavać były premjer-ministr Italii Silvia Bierłuskoni — nibyta ŭ 2009 hodzie ŭ hetaj ža balnicy naradžała dačka palityka Barbara.
Sajt kliniki Śviatoj Hanny, akramia italjanskaj, maje anhła-i ruskamoŭnyja viersii.
U vieraśni 2014 Alina Kabajeva stała staršynioj rady dyrektaraŭ «Nacyjanalnaj miedyja hrupy», najbujniejšaha rasijskaha pryvatnaha miedyjachołdynha, u jaki ŭvachodziać Piaty kanał i Ren-TV. Taksama NMH naležyć 25% akcyj Pieršaha kanała. Akramia taho, NMH źjaŭlajecca saŭładalnikam News Media, pad kiravańniem jakoha znachodziacca telekanał Life News, haziety «Iźviestiia», «Žizń» i «Tvoj dzień», radyjostancyja «Russkaja słužba novostiej» i inšyja miedyja.
Z 2007 pa 2014 hady Alina Kabajeva była deputatkaj Dziaržaŭnaj dumy, u frakcyi «Adzinaja Rasija».
