Sustreča prajšła ŭ Domie ŭradu Respubliki Biełaruś.

Padčas vitańnia Dziaržaŭnaha Sakratara hanarovaja varta addała rapart vysokamu hościu. U vykanańni arkiestra prahučali dziaržaŭnyja himny Vatykana i Respubliki Biełaruś. Premjer-ministr pradstaviŭ ijerarchu členaŭ aficyjnaj delehacyi Respubliki Biełaruś. U svaju čarhu kardynał Pjetro Paralin pradstaviŭ členaŭ aficyjnaj delehacyi Dziaržavy Vatykan. Rota hanarovaj varty prajšła maršam.

Zatym adbylisia pieramovy pamiž Dziaržaŭnym Sakratarom Papy i premjer-ministram Respubliki Biełaruś. Ad imia Katalickaha Kaścioła na sustrečy prysutničali Apostalski Nuncyj u Biełarusi arcybiskup Kłaŭdyjo Hudžeroćci, Pieršy sakratar Apostalskaj Nuncyjatury mansińjor Filipa Čampaneli, supracoŭnik-asistent Dziaržaŭnaha Sakratara Jaho Śviataści ks. Visvaldas Kulbokas. Ad imia biełaruskich uładaŭ udzielničali namieśnik ministra zamiežnych spraŭ Respubliki Biełaruś Alena Kupčyna, Nadzvyčajny i Paŭnamocny Pasoł Respubliki Biełaruś pry Śviatym Pasadzie Siarhiej Alejnik, Upaŭnavažany pa spravach relihij i nacyjanalnaściaŭ Leanid Hulaka.

Premjer-ministr Andrej Kabiakoŭ u chodzie sustrečy adznačyŭ: «My razhladajem Vaš vizit jak śviedčańnie hatoŭnaści Śviatoha Pasadu da aktyvizacyi supracoŭnictva z našaj krainaj».

«Sa svajho boku chaču adznačyć, što ŭrad Biełarusi nadaje vialikaje značeńnie raźvićciu siabroŭskich adnosin z Vatykanam va ŭsich śfierach», — skazaŭ Andrej Kabiakoŭ. Premjer-ministr nazvaŭ Vatykan «asablivym partnioram u mižnarodnych adnosinach, ź jakim skłalisia ŭnikalnyja adnosiny ŭzajemarazumieńnia i davieru», dadaŭšy: «My ŭdziačnyja Śviatomu Pasadu za padtrymku našaj krainy na mižnarodnaj arenie».

Premjer-ministr źviarnuŭ uvahu, što takija pryjarytety Papy Franciška, jak «baraćba za sacyjalnuju spraviadlivaść, spryjańnie mižnacyjanalnamu, mižkulturnamu i mižrelihijnamu dyjałohu», asnovatvorčyja i dla biełaruskaj dziaržavy.

Pa słovach Andreja Kabiakova, Biełaruś pravodzić sacyjalna aryjentavanuju palityku. «My ličym, što spakoj i stabilnaść u krainie, roŭnaść hramadzian, harantavanaje prava na pracu i adpačynak, biaspłatnaja adukacyja i achova zdaroŭja — realnyja dasiahnieńni, jakimi my hanarymsia», — adznačyŭ premjer-ministr. 

«Blizkaść našych padychodaŭ da vyrašeńnia sacyjalnych zadač — załoh taho, što pry Papu Francišku adnosiny pamiž Biełaruśsiu i Vatykanam nie tolki zachavajuć svaju siabroŭskuju tanalnaść, ale i buduć umacoŭvacca», — padkreśliŭ staršynia biełaruskaha ŭradu.

Biełaruskija vierniki ź nieciarpieńniem čakajuć vizitu Pantyfika», — skazaŭ premjer-ministr.

Kardynał Pjetra Paralin padčas sustrečy z premjer-ministram pryznaŭsia, što za čas svajho znachodžańnia ŭ Biełarusi paśpieŭ pierakanacca ŭ sardečnaści i haścinnaści biełaruskaha naroda. «Za heta ja hłyboka ŭdziačny», — dadaŭ ijerarch.

«Pieradaju vam, jak i pradstaŭnikam orhanaŭ dziaržaŭnaha kiravańnia, ź jakimi ja ŭžo sustrakaŭsia, pryvitańnie i najlepšyja pažadańni ad Papy Franciška», — skazaŭ kardynał.

Dziaržaŭny Sakratar nahadaŭ: «Siońnia ŭ nas śviata — druhaja hadavina abrańnia Papy Franciška na Śviaty Pasad. I mnie vielmi pryjemna, što Vy vyłučyli asablivaści, jakija byli charakterny ź pieršych dzion pantyfikatu Papy Franciška». Pierš za ŭsio, pa słovach kardynała, heta vialikaja ŭvaha da ludziej, i siarod ich – da najbolš biednych i ŭraźlivych; uvaha da sacyjalnaj spraviadlivaści, spraviadlivaha raźmierkavańnia bahaćciaŭ i resursaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?