— U kožnym rajonie Minska płanujecca ŭvieści ŭ ekspłuatacyju pa adnym basiejnie. Jak chutka buduć realizavany hetyja płany?
— Da nas źviarnuŭsia ŭrad Vienhryi z prapanovaj prakredytavać na davoli lhotnych umovach budaŭnictva spartyŭnych abjektaŭ. Razhladajecca mahčymaść pryciahnieńnia hetych kredytnych resursaŭ dla budaŭnictva basiejnaŭ. Chaču padkreślić, heta buduć modulnyja basiejny sučasnaj jeŭrapiejskaj kanstrukcyi, u pieršuju čarhu pryznačanyja dla azdaraŭleńnia, a nie dla praviadzienńnia spabornictvaŭ mižnarodnaha ŭzroŭniu.
My imkniomsia da taho, kab suadnosiny cana-jakaść byli aptymalnyja.
Viadoma, budzie abjaŭleny tendar na budaŭnictva, mahčyma, niechta akramia vienhraŭ prapanuje svoj varyjant. Dumaju, na praciahu troch hadoŭ my pabudujem pa basiejnie ŭ kožnym rajonie.
— Na sustrečach z pracoŭnymi kalektyvami, moładdziu, žurnalistami vy nieadnarazova paŭtarali, što Minharvykankam adkryty dla prapanoŭ i inicyjatyŭ. Chtości ŭžo adhuknuŭsia na hety zaklik, byli cikavyja prapanovy?
— Na siońniašni dzień padtrymana tolki prapanova maładziožnaha centra vuličnaj kultury i sportu «ProKač».
U čas sustrečy sa mnoj maładyja ludzi pakazali, dzie možna stvaryć placoŭki dla zaniatkaŭ ekstremalnymi vidami sportu.
Adna ź ich — stacyjanarnaja — raźmieścicca na vulicy Staletava. Tut ža buduć ustanoŭleny turnikiety dla zaniatkaŭ sportam. Jašče adna placoŭka — pierasovačnaja — źjavicca kala Pałaca sportu kala krytaha katka.
Heta prapanova budzie abaviazkova realizavana. Minharvykankam nabudzie abstalavańnie, a maładyja ludzi svaimi siłami jaho ŭstanoviać i buduć absłuhoŭvać.
— Minsk nabiraje papularnaść siarod zamiežnych turystaŭ. Hetamu pasadziejničała i praviadzieńnie ŭ biełaruskaj stalicy čempijanatu śvietu pa chakiei. Jakija miery prymajucca dla taho, kab pavialičyć prytok zamiežnych haściej?
— Niadaŭna ja razmaŭlaŭ z bujnym pryvatnym turapierataram, jaki zajmajecca ŭjaznym turyzmam.
Kiraŭnik firmy adznačyła, što bolš za adzin dzień u Minsku turystu rabić niama čaho.
Ja paprasiŭ jaje pradstavić svajo bačańnie taho, što treba zrabić haradskim uładam, kab turysty zastavalisia nie na adzin-dva dni, a značna daŭžej. Čakajem prapanoŭ.
Ja taksama liču, što stalicy nieabchodna adzinaje ahienctva, jakoje budzie zajmacca pryciahnieńniem turystaŭ, łahistykaj raźmiaščeńnia zychodziačy z patrabavańniaŭ pražyvajučych. Pakul ža heta rabota viadziecca razroźniena centrami ŭ minskich haścinicach. Kab pierałamać situacyju, my stvorym na bazie ŭpraŭleńnia bytavoha i haściničnaha absłuhoŭvańnia nasielnictva Minharvykankama asobnuju strukturu, jakaja budzie zajmacca ŭ cełym ujaznym turyzmam.
