Cieła 25-hadovaha Andreja Livanava, syna akcioraŭ Ihara Livanava i Iryny Biazrukavaj, znojdziena ŭ jaho kvatery, raźmieščanaj na paŭdniovym uschodzie Maskvy. Ab hetym paviedamlaje telekanał LifeNews.
Iryna i jaje muž Siarhiej Biazrukaŭ znachodzilisia ŭ kamandziroŭcy i niekalki dzion nie mahli źviazacca z Andrejem. Jon taksama nie źjaŭlaŭsia ŭ teatry, dzie ŭ apošni čas pracavaŭ administrataram. Naviedać maładoha čałavieka pryjšła dyrektar teatra. Paśla taho, jak dźviery joj nichto nie adčyniŭ, było vyrašana vyklikać MNS.
Ratavalniki vyjavili ŭ kvatery cieła Livanava bieź źniešnich prykmiet hvałtoŭnaj śmierci. Daktary chutkaj dapamohi kanstatavali jaho śmierć.
Jašče da adjezdu maci syn skardziŭsia na vysokuju tempieraturu i ahulnaje niadužańnie.
Šlub baćkoŭ Andreja Livanava raspaŭsia, kali jamu było 11 hadoŭ. Z tych časoŭ jon žyŭ z maci i ajčymam, akcioram Siarhiejem Biazrukavym. Budučy školnikam Livanaŭ hraŭ u miuzikle «Nord-Ost».
