U Novadziavočym manastyry ŭ centry Maskvy — pažar.
ria.ru
Darja Sojkina
tvrain.ru
Lenta.ru sa spasyłkaj na ria.ru paviedamlaje, što zaharełasia zvanica.
tvrain.ru
«Pryčyna i płošča pažaru vyznačajucca», — skazała krynica, udakładniŭšy, što zaharelisia ryštavańni, u jakich znachodziłasia zvanica. Płošča, pa słovach krynicy, składaje 100 kvadratnych mietraŭ, budaŭničyja ryštavańni ŭ zvanicy abrynulisia.
Pieršyja pažarnyja raźliki prybyli na miesca zdareńnia praz čatyry chviliny paśla paviedamleńnia ab uzharańni — a 22:45.
23:25
«Ahoń raspaŭsiudžvajecca pa budaŭničych ryštavańniach, płošča pažaru 100 kv. m, pobač raźmieščany dvuchpaviarchovy budynak», - rastłumačyła krynica.
Pavodle papiaredniaj infarmacyi, pažar uźnik z-za zamykańnia ciepłavych harmat, što sušyli fasad. Achviaraŭ niama.
23:45
Vierchniaja častka zvanicy całkam achoplena ahniom. Pra heta TASS paviedamili ŭ pravaachoŭnych orhanach rasijskaj stalicy.
Usia zvanica była ŭ budaŭničych ryštavańniach. «Mienavita jany i zaharelisia, ahoń pierakinuŭsia na vierchniuju častku zvanicy, całkam achapiŭšy jaje ahniom», - paviedamili ŭ pravaachoŭnych orhanach.
Na miescy zdareńnia pracujuć pažarna-vyratavalnyja padraździaleńni. Jany tušać ahoń z dapamohaj piaci vyšynnych miechanizmaŭ. Pryjechała palicyja.
Zharełyja častki ryštavańniaŭ adryvajucca i padajuć uniz, daharajučy na ziamli, dadaje tvrain.ru.
23.59
«U tušeńni pažaru prymajuć udzieł 113 čałaviek asabistaha składu, 29 adzinak techniki», - paviedamili TASS u HU MNS. Źviestak ab paciarpiełych nie pastupała.
00:06
Hetaja zvanica ŭ svoj čas była druhoj pa vyšyni paśla zvanicy Ivana Vialikaha ŭ Kramli. Styl, u jakim jana pabudavana, nazyvajecca naryškinskaje baroka, udakładniaje vydańnie «Afiša- Vozduch».
00:11
Departamient transpartu Maskvy prosić aŭtamabilistaŭ ŭstrymacca ad pajezdak u rajonie manastyra, kab nie pieraškadžać rabocie pažarnych, paviedamlaje infacentr viedamstva.
«Prosim aŭtamabilistaŭ ustrymacca ad pajezdak u rajon Novadziavočaha manastyra, kab nie pieraškadžać rabocie pažarnych raźlikaŭ», - havorycca ŭ paviedamleńni.
00:21
Prylehłyja da zvanicy budynki nie paciarpieli ad pažaru, skazaŭ žurnalistam namieśnik načalnika Hałoŭnaha ŭpraŭleńnia MNS pa Maskvie Alaksandr Haŭryłaŭ, pieradaje TASS.
00:35
Pažar u zvanicy Novadziavočaha manastyra patušany. Vice-mer Maskvy Piotr Birukoŭ zapeŭniŭ, što kapitalnaj škody zvanica nie paniesła. Nijakich kaštoŭnaściaŭ ŭnutry jaje nie było.
