Vyznačany paradak vystupleńnia ŭdzielnikaŭ paŭfinałaŭ Mižnarodnaha konkursu pieśni «Jeŭrabačańnie-2015». 

eurosong.be

eurosong.be

Jak paviedamlajecca na aficyjnym sajcie konkursu, u pieršym paŭfinale, jaki adbudziecca 19 maja ŭ Vienie (Aŭstryja), udzielniki buduć vystupać u nastupnym paradku: Małdova, Armienija, Bielhija, Niderłandy, Finlandyja, Hrecyja, Estonija, Makiedonija, Sierbija, Vienhryja, Biełaruś, Rasija, Danija, Ałbanija, Rumynija, Hruzija. 

Druhi paŭfinał 21 maja adkryje Litva, paśla jaje vystupiać Irłandyja, San-Maryna, Čarnahoryja, Malta, Narviehija, Partuhalija, Čechija, Izrail, Łatvija, Azierbajdžan, Isłandyja, Šviecyja, Šviejcaryja, Kipr, Słavienija i Polšča. 

Rekłamnyja błoki ŭ pieršym i druhim paŭfinałach zapłanavanyja paśla piataj i 12-j piesień, tamu hetyja pazicyi mohuć jašče źmianicca. 

Paradak vystupleńnia ŭdzielnikaŭ finału, jaki adbudziecca 23 maja, budzie vyznačany paśla druhoha paŭfinału, adnak na sustrečy kiraŭnikoŭ delehacyj konkursu, jakaja prajšła ŭ Vienie 15—17 sakavika, było vyznačana, što Aŭstryja vystupić u finale pad numaram 14. 

Paradkavyja numary ŭdzielnikaŭ paŭfinałaŭ konkursu vyznačajuć pradziusary konkursu, kab zrabić šou bolš efiektnym z punktu hledžańnia režysury. 

Italija, Ispanija, Hiermanija, Francyja i Vialikabrytanija na pravach krain — arhanizataraŭ konkursu i Aŭstryja jak pieramožnica «Jeŭrabačańnia-2014» trapili ŭ finał aŭtamatyčna. Akramia taho, sioleta ŭ 60-m, jubilejnym, «Jeŭrabačańni» biare ŭdzieł Aŭstralija, pradstaŭnik jakoj taksama vystupić adrazu ŭ finale. 

Krainy — arhanizatary konkursu, Aŭstryja i Aŭstralija taksama buduć tranśliravać paŭfinały i hałasavać za ich udzielnikaŭ. Tak, telehledačy ź Ispanii, Aŭstryi, Francyi i Aŭstralii zmohuć hałasavać za ŭdzielnikaŭ pieršaha paŭfinału, a ŭdzielnikaŭ druhoha paŭfinału buduć aceńvać žychary Hiermanii, Italii, Vialikabrytanii i Aŭstralii.

Hladzi taksama: Juzary i Majmuna prezientavali biełaruski klip dla «Jeŭrabačańnia-2015»

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?