Amierykanskaja kinaaktrysa Andžalina Džali paviedamiła, što joj zrabili apieracyju pa vydaleńni jaječnikaŭ i matačnych trub z-za ryzyki raźvićcia rakavaha zachvorvańnia.

U svajoj kałoncy ŭ New York Times 39-hadovaja halivudskaja zorka paviedamiła, što ŭ adnym z apošnich analizaŭ była vyjaŭlenaja niekatoraja kolkaść markieraŭ, jakija mahli śviedčyć ab rańniaj stadyi raku.

Pa słovach Džali, apieracyja pa vydaleńni jaječnikaŭ mienš składanaja, čym mastektamija, jakuju aktorka zrabiła dva hady tamu, adnak nastupstvy apošniaj apieracyi značna bolš ciažkija: vydaleńnie jaječnikaŭ pryvodzić da štučnaj mienapaŭzy.

«Ja bolš nie zmahu mieć dziaciej, i ja čakaju, što ŭ maim arhaniźmie adbuducca peŭnyja źmieny. Ale što b ni adbyłosia, ja adčuvaju siabie spakojna — nie tamu, što ja mocnaja, a tamu, što heta častka žyćcia. Bajacca niama čaho», — napisała aktorka.

Paviedamlajecca, što ciapier Džali prachodzić kurs harmanalnaj zamiaščalnaj terapii.

Dva hady tamu Andžalina Džali zrabiła mastektamiju abiedźviuch hrudziej — z-za taho, što jana źjaŭlajecca nośbitam hiena, jaki ŭ 87% vypadkaŭ vyklikaje rak hrudziej.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?