Z 1 krasavika pamier zarpłat kiraŭnikoŭ dziaržpradpryjemstvaŭ budzie zaležać ad pradukcyjnaści pracy. Heta praduhledžana pastanovaj Savieta ministraŭ № 214 ad 19 sakavika 2015 hoda, jakoj unieniesienyja dapaŭnieńni i źmianieńni ŭ pastanovu № 597 ad 8 lipienia 2013 hoda. 

Novy dakumient źmianiaje paradak ustanaŭleńnia kaeficyjenta suadnosin siaredniaj zarpłaty kiraŭnikoŭ i siaredniaj zarpłaty pa arhanizacyi ŭ cełym. 

Nahadajem, pavodle padpunkta 2.1 punkta 2 pastanovy № 597 pamier kaeficyjenta nie moža pieravyšać 8. «Pry hetym u vypadku nievykanańnia pa vynikach spravazdačnaha kvartała pakazčykaŭ čystaha prybytku i (ci) pieravyšeńnia tempu rostu pradukcyjnaści pracy nad tempam rostu zarabotnaj płaty, daviedzienych va ŭstanoŭlenym paradku, kaeficyjent kiraŭniku arhanizacyi ŭstanaŭlivajecca ŭ pamiery, jaki nie pieravyšaje 3 uklučna», — rastłumačyli ŭ viedamstvie. 

Normami pastanovy № 214 praduhledžvajecca zaležnaść pamieru kaeficyjenta tolki ad adnaho z pakazčykaŭ efiektyŭnaści dziejnaści arhanizacyi — pieravyšeńnia tempu rostu pradukcyjnaści pracy nad tempam rostu zarabotnaj płaty. Pakazčyk «čysty prybytak» vyklučany. Tak, kali pa vynikach spravazdačnaha kvartała temp rostu zarabotnaj płaty pieravysić temp rostu pradukcyjnaści pracy, to kiraŭniku arhanizacyi varta ŭstanavić kaeficyjent nie bolš za 4 uklučna ź pieršaha čysła miesiaca, što idzie za spravazdačnym kvartałam. 

«Hetaja norma budzie źjaŭlacca abaviazkovaj dla ŭžyvańnia ŭ dačynieńni da kiraŭnikoŭ dziaržaŭnych arhanizacyj i arhanizacyj, u statutnym fondzie jakich dola ŭłasnaści dziaržavy składaje bolš za 50%. U dačynieńni da kiraŭnikoŭ inšych arhanizacyj užyvańnie hetaj normy nosić rekamiendacyjny charaktar», — adznačajecca ŭ kamientary. 

Umovy kantraktaŭ kiraŭnikoŭ arhanizacyj pavinny być pryviedzienyja ŭ adpaviednaść z pastanovaj № 214, adznačyli ŭ Minpracy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?