Kim Čen Yn vitaje narod KNDR. Fota: johnfeffer.com
Hienkonsuł KNDR u Nachodcy (Rasija) Im Čchon Ir prapanavaŭ adpraŭlać jakuckich školnikaŭ na adpačynak u pijanierskija łahiery respubliki. Pra heta dypłamat zajaviŭ na sustrečy ź ministram pa fiederatyŭnych adnosinach i źniešnich suviaziach Jakucii Uładzimiram Vasiljevym, paviedamlajecca na sajcie ŭrada Jakucii.
U chodzie hutarki byli vyłučanyja pryjarytetnyja napramki ŭ raźvićci dvuchbakovych adnosin. Akramia pavieličeńnia tavaraabarotu i supracoŭnictva ŭ sielskaj haspadarcy, adnym ź ich było vyznačana raźvićcio turyzmu i dziciačaha adpačynku.
«Hienieralny konsuł adznačyŭ važnaść kulturnych i humanitarnych suviaziaŭ i padziakavaŭ za akazanuju padtrymku ŭdziełu kamandy KNDR u Mižnarodnych spartyŭnych hulniachm «Dzieci Azii». Taksama Im vystupiŭ z prapanovaj arhanizacyi adpačynku jakuckich školnikaŭ u pijanierskich łahierach KNDR», — havorycca ŭ paviedamleńni ŭrada respubliki.
«Rasijska-Karejskija siabroŭskija adnosiny zaŭsiody byli tradycyjnymi. A ciapier palityčnyja adnosiny pamiž našymi krainami raźvivajucca jak nikoli plonna. My stavim svajoj metaj aktyvizacyju ekanamičnaha i kulturnaha supracoŭnictva z subjektami Dalokaha Uschodu Rasii», — adznačyŭ konsuł.
