23 (22). Pavieł Jakubovič
Hałoŭny redaktar haziety «SB. Biełaruś siehodnia».
U adroźnieńnie ad bolšaści dziaržaŭnych prapahandystaŭ, Pavieł Jakubovič — talenavity žurnalist. I jahony ŭpłyŭ hruntujecca nie tolki na pasadzie kiraŭnika prezidenckaj haziety, ale i na intelektualnaj charyźmie.
Ale sistema i na jaho nakładaje svaje abmiežavańni. Pavodle daśledavańniaŭ infarmacyjna-analityčnaha centra pry Administracyi prezidenta, pa achopie aŭdytoryi «Sovietskaja Biełoruśsija» prajhraje niedziaržaŭnaj «Kamsamolskaj praŭdzie», choć i maje ŭ čatyry razy bolšy ahulny nakład.
Cytata
«Kali pomnik Leninu ŭjaŭlaje mastackuju kaštoŭnaść, navošta jaho znosić. Ale pomnik achviaram palityčnych represij taksama pavinien być».
Listapad 2013.
Abjektyŭka
Nar. u 1946 va Uniečy (Branskaja vobłaść, Rasija). Zakončyŭ Vyšejšuju vajskovuju vučelniu MUS i fakultet žurnalistyki BDU (1973). Pracavaŭ u «Znamieni junosti», «Krynicy», «Narodnaj haziecie». Hałoŭny redaktar haziety «SB. Biełaruś siehodnia» (z 1995).
* * *
