Bajeviki isłamisckaj hrupoŭki «Aš-Šabab» zachapili budynak univiersiteta ŭ horadzie Harysa na paŭnočnym uschodzie Kienii.
Jak paviedamiŭ ministr unutranych spraŭ Kienii Džozef Nkaisiery, u chodzie napadu byli zabityja pa mienšaj miery 70 čałaviek i paranienyja 79.
Kiraŭnik MUS Kienii zajaviŭ, što apieracyja suprać bajevikoŭ padychodzić da kanca, adnak, jak jon papiaredziŭ, «apieracyja jašče praciahvajecca i ŭsiakaje moža zdarycca».
Pa słovach Nkaisiery, kala 500 čałaviek udałosia vyratavać, u chodzie pierastrełki zabityja čaćviera bajevikoŭ. Adnak los inšych studentaŭ pakul nie viadomy.
Usiaho va ŭniviersitecie vučylisia 815 studentaŭ, ale nieviadoma, kolki čałaviek znachodziłasia na terytoryi univiersiteckaha haradka ŭ momant napadu.
Napadniki ŭziali ŭ zakładniki vialikuju kolkaść studentaŭ. Zakładniki byli padzielenyja pavodle relihijnaj prykmiety, 15 musulman byli adpraŭlenyja dadomu, u rukach bajevikoŭ zastajucca studenty-chryścijanie.