Mikałaj Makaranka, rbc.ua

Mikałaj Makaranka, rbc.ua

Ministerstva ŭnutranych spraŭ Ukrainy praviało šerah pieratrusaŭ i zatrymańniaŭ dla likvidacyi złačynnych schiem, vyjaŭlenych u staličnym upraŭleńni Dziaržaŭtainśpiekcyi, paviedamlaje UNIAN sa spasyłkaj na ministra ŭnutranych spraŭ Arsiena Avakava.

«Słužba ŭnutranaj biaśpieki MUS sumiesna z prakuraturaj Kijeva praviali siońnia šerah pieratrusaŭ i zatrymańniaŭ u ramkach strymańnia šerahu złačynnych schiem, vyjaŭlenych u DAI Kijeva», — napisaŭ Avakaŭ u fejsbuku.

Pa słovach Avakava, machinacyi milicyjantaŭ-daišnikaŭ hruntavalisia na schiemach atrymańnia niezakonnych hrašovych srodkaŭ u MREA (mižrajonnyja rehistracyjna-ekzamienacyjnyja adździeły) pry afarmleńni aŭtamabilaŭ.

Načalnik Dziaržaŭtainśpiekcyi (DAI) h. Kijeva Mikałaj Makaranka abvieščany ŭ vyšuk paśla taho, jak niezakonna vyjechaŭ z Ukrainy ŭ Biełaruś, piša RBK-Ukraina.

Pavodle słoŭ Avakava, praviedzienymi pieratrusami ŭ kampanii «Inaŭta», u Makaranki i zatrymanaha načalnika adnaho z adździełaŭ UDAI HUMVD Ukrainy ŭ Kijevie Mikałaja Žebiela vyjaŭleny i kanfiskavany dokazy złačynnych karupcyjnych schiem.

«Načalnik DAI Kijeva pałkoŭnik milicyi Makaranka Mikałaj Mikałajevič, padazravany jak arhanizatar złačynnaj hrupy, niesankcyjanavana pakinuŭ terytoryju krainy ŭ kirunku Biełarusi. Adšukvajecca dla dačy tłumačeńniaŭ i pryniaćcia rašeńniaŭ», — paviedamiŭ Avakaŭ.

Клас
Панылы сорам
Ха-ха
Ого
Сумна
Абуральна