Prablemy z hnutkaściu iPhone 6 viadomyja na Zachadzie jak skandał #bendgate — smartfony hnulisia prosta ad našeńnia ŭ zadniaj kišeni. Kamanda daśledčykaŭ vyrašyła pravieryć, nakolki hnutkija «ajfony» ŭ paraŭnańni ź inšymi fłahmanskimi smartfonami. Dziela hetaha jany skarystalisia testavym robatam BendBot.
Fłahman Samsung, Galaxy S6 Edge, pahnuŭsia pry cisku kala 50 kh. iPhone 6 pahnuŭsia pry niaznačna bolšym cisku. Pry hetym abodva smartfony zmahli pracavać, čaho nie skažaš pra HTC One M9, u jakoha pad ciskam u 54 kh złamałasia knopka ŭklučeńnia.
Kab smartfony Samsung i Apple pierastali pracavać kančatkova, da ich pryjšłosia prykłaści nahruzku ŭ 67,5 i 81 kh adpaviedna.
Va ŭładalnikaŭ fłahmana Samsung bolš šancaŭ atrymać poŭnyja kišeni škła. U fłahmana HTC škło nie treskajecca pry anałahičnym cisku, ale i ramont knopki ŭklučeńnia moža kaštavać niamała.
Jak bačna z ekśpierymientu, da smartfonaŭ treba prykłaści nie takuju i vialikuju vahu, kab papsavać ich. Tamu razumna nie nasić darahija «łapaty» ŭ zadnich kišeniach.
