7 krasavika a 18.00 u haradzienskaj halerei «Kryha» (vuł. Savieckaja, 3) Biełaruski PEN-centr sumiesna z Ambasadaj Respubliki Polšča ładzić čaćviortuju imprezu ź sieryi «Sustrečy z Hiedrojcam». Praviadzie viečarynu paet, pierakładčyk Andrej Chadanovič.
Na hety raz litaraturny ekspres pryviazie ŭ Harodniu Paŭła Kaściukieviča i Artura Klinava.
Pavieł Kaściukievič — prazaik, pierakładčyk izrailskaj i amierykanskaj litaratury, jaki ŭ sakaviku 2012 hoda staŭ pieršym łaŭreatam premii Ježy Hiedrojca. Litaratar pradstavić čytačam knihi apaviadańniaŭ «Dušpastyrskija spatkańni dla dačnikaŭ» i «Zbornaja RB pa niehałoŭnych vidach sportu».
Artur Klinaŭ — prazaik, mastak, letašni «siarebrany pryzior» Litaraturnaj premii Ježy Hiedrojca za raman «Škłatara». U 2012-m Artur Klinaŭ z ramanam «Šałom» uvajšoŭ u šort-list uznaharody.
U miežach viečaryny adbuducca aŭtarskija čytańni.
Uvachod volny!
