Kaniečny paśla padzieńnia. Fota: CEN
Napadnik arhiencinskaha kłuba «San-Łarensa» i junackaj zbornaj Arhienciny Tomas Kaniečny vypaŭ z vakna padčas hulni na kansoli, paviedamlaje The Daily Mirror.
Kaniečny siadzieŭ na vaknie i hulaŭ na prystaŭcy ŭ futbolny simulatar FIFA. Raptoŭna vakno, na jakoje jon abapiersia, adčyniłasia — futbalist palacieŭ uniz.
Futbalist adznačaŭ svajo 17-hodździe ź siabrami ŭ hateli ŭ Parahvai. Numar raźmiaščaŭsia na pieršym paviersie — futbalist paźbiehnuŭ surjoznych traŭmaŭ.
«Mnie paščaściła, usiaho niekalki drapin. Hałoŭnaje, što nie prapuściŭ viečarynu», — kaža jon.
Na samoj spravie, było vidać, što futbalistu baluča, raspaviadaje supracoŭnik hatela Fabijan Puente, jaki akazaŭ Kaniečnamu pieršuju dapamohu. Pavodle jaho słoŭ, futbalist vykruciŭ ščykałatki, atrymaŭ zaŭvažnyja parezy i siniaki.
Traŭmy nie paškodziać Kaniečnamu ŭziać udzieł u Čempijanacie śvietu siarod junijoraŭ, što projdzie ŭ kastryčniku ŭ Čyli. U adboračnych hulniach pierad padzieńniem Kaniečny zabiŭ Uruhvaju, Balivii, Čyli i dvojčy Parahvaju.
