Vizualizacyja suviazi roznych hrup botaŭ. Vyjava: Łorens Aleksander
Analityk Łorens Aleksander daśledavaŭ aktyŭnaść u ruskamoŭnym siehmiencie Twitter paśla naviny pra zabojstva Barysa Niamcova, raspaviadaje Global Voices.
Z dapamohaj adkrytaj prahramy NodeXL jon praanalizavaŭ akaŭnty, što publikavali identyčnyja paviedamleńni, dy ich śpisy siabroŭ. Takim čynam vykryłasia sietka z 2900 botaŭ. Zatym jon daśledavaŭ jašče čatyry hrupy akaŭntaŭ, što publikavali adnolkavyja paviedamleńni, i vykryŭ jašče 17590 botaŭ.
Pavodziny botaŭ rezka adroźnivajucca ad zvyčajnych karystalnikaŭ. Boty nie źviartajucca da inšych karystalnikaŭ, u 92% vypadkaŭ nie dadajuć ničoha ŭ abranaje, u 87% vypadkaŭ nie paznačajuć hadzinny pojas.
Usie znojdzienyja boty prajaŭlali palityčnuju aktyŭnaść, vystaŭlajučy identyčnyja paviedamleńni.
Praviły Twitter zabaraniajuć vieści falšyvyja akaŭnty i akaŭnty-imitatary, a taksama akaŭnty, što viaducca prahramami aŭtamatyčna — tak zvanyja boty. Takija akaŭnty čaściej za ŭsio błakujucca pa vyjaŭleńni.
Akramia botaŭ, u prapahandysckich metach vykarystoŭvajucca i «fabryki trolaŭ» — cełyja kampanii, u jakich žyvyja ludzi pišuć paviedamleńni i kamientary na zadadzienyja temy.
