U punkcie papiaredniaha paviedamleńnia «Čyrvony Kamień» na aŭtadarozie M13 Bransk — Homiel 2 krasavika zabaronieny ŭvoz małočnaj pradukcyi vytvorčaści AAT «Minski małočny zavod №1», paviedamili va Upraŭleńni Raśsielhasnahlada pa Branskaj i Smalenskaj abłaściach.
Hruz vahoj bolš jak 1,3 tony ruchaŭsia ŭ Varoniež i supravadžaŭsia vieterynarnym siertyfikatam Mytnaha sajuza, vydadzienym dziaržaŭnaj vieterynarnaj słužbaj Biełarusi. Padčas pravierki ŭstanoŭlena, što ŭkazanaja na častcy pradukcyi data vypracoŭki nie adpaviadaje źviestkam, što byli zajaŭlenyja ŭ dakumientach.
Aprača taho, pavodle infarmacyi viedamstva, 1 krasavika ŭ smalenskim punkcie paviedamleńnia na ŭčastku aŭtadarohi M1 Maskva — Minsk inśpiektary ŭpraŭleńnia zabaranili ŭvoz 19,5 tony jabłykaŭ. Padkarancinnaja pradukcyja supravadžałasia niezavieranym reekspartnym fitasanitarnym siertyfikatam Biełarusi.
