Aktor Tom Chardzi pryznaŭsia časopisu Esquire, što maje kantrakt na jašče try filmy ŭ suśviecie «Šalonaha Maksa».
Sikveły buduć źniatyja, kali «Šalony Maks: Daroha lutaści» budzie mieć dobryja zbory. U hetym možna praktyčna nie sumniavacca: dynamičnyja trejlery ŭžo «padahreli» aŭdytoryju.
Rejtynhi čakańnia filmu dastatkova vysokija, a vodhuki pra trejlery — pieravažna pazityŭnyja. Na toje nakładajecca vysokaja papularnaść aryhinalnaha «Šalonaha Maksa» z Mełam Hibsanam.
Sam Chardzi vykazvajecca pra film krajnie pazityŭna (i niecenzurna). Ale zhadvaje pra ciažkija zdymki pasiarod šmatkiłamietrovaj pustyni, dzie mašyny zasypała piaskom, a aktory ŭ skuranych kaściumach pakutavali ad śpioki.
***
Aryhinalny «Šalony Maks» z Mełam Hibsanam u hałoŭnaj roli vyjšaŭ u 1979 hodzie. Žanr filma vyznačajuć jak «dyzielpank». Stužka raspaviadaje pra suśviet budučyni, dzie hramadstva pała pad anarchijaj i postapakaliptyčnaj razruchaj. Film doŭhi čas byŭ rekardsmienam pa suadnosinach biudžetu i kasavych zboraŭ.
Niezvyčajnaja stylistyka filmu naradziła šmat paśladoŭnikaŭ. Fanaty pravodziać štohadovy fiestyval na tematyku filma ŭ pustyni Machave.
Pierazapusk sieryi, «Šalony Maks: Daroha lutaści» vyjdzie na suśvietnyja ekrany 15 maja.
