Na pašyranym pasiadžeńni palityčnaj kamisii Partyi BNF siońnia było pryniata rašeńnie padtrymać aktyvistku kampanii «Havary praŭdu» Tacianu Karatkievič u jakaści adzinaha kandydata ad apazicyjnaj kaalicyi «Narodny refierendum» na vybarach prezidenta ŭ 2015 hodzie.
Pra heta paviedamiŭ lidar Partyi BNF Alaksiej Janukievič.
Pa słovach Janukieviča, jaho partyja zaŭsiody vystupała za adzinstva apazicyi: «Paśla taho, jak stała niemahčymym dasiahnieńnie zhody pamiž usimi subjektami demakratyčnaha pola, my skancentravalisia na tym, kab byŭ adziny kandydat ad «Narodnaha refierendumu». My naminavali na hetuju praceduru Ryhora Kastusiova».
«Ciapier my stali zaŭvažać, što pieramovy ŭ «Narodnym refierendumie» taksama ryzykujuć zajści ŭ tupik, i tamu vyrašyli, što adzinstva važniejšaje za ambicyi, i BNF pavinna prajavić palityčnuju adkaznaść. Kab spynić hetyja sprečki i zaciahnutyja pieramovy, my vyrašyli padtrymać Taćcianu Karatkievič», — skazaŭ lidar BNF.
Ciapier svajo mierkavańnie pavinna vykazać Biełaruskaja sacyjał-demakratyčnaja partyja (Hramada) — apošni z udzielnikaŭ kaalicyi «Narodny refierendum», jaki farmalna nie vyznačyŭsia z vybaram.
Adnak miarkujučy pa tym, što Taćciana Karatkievič — siabra hetaj partyi, BSDP(H) taksama vykažacca ŭ jaje padtrymku. Anałahičny prahnoz robić Alaksiej Janukievič. Farmalna rašeńnie «Narodnaha refierendumu» budzie, chutčej za ŭsio, abvieščana na nastupnym tydni, paviedamili ŭ kiraŭnictvie kaalicyi.
